Пасля трох дзён спаборніцтваў на Алімпійскіх гульнях лідзіруюць японцы
Пасля заканчэння трэцяга дня спаборніцтваў на Алімпійскіх гульнях у Парыжы рэй пакуль што вядуць збольшага пазаеўрапейскія зборныя.
На першым месцы ў неафіцыйным заліку па медалях пакуль зборная Японіі. У японцаў цяпер 12 медалёў, з якіх 6 залатыя, 4 срэбраныя і 2 бронзавыя.
Далей ідуць гаспадары спаборніцтваў — французы, і яны ў шасцёрцы адзіныя еўрапейцы. У французскай зборнай большая, чым у японцаў, агульная колькасць узнагарод (16), але з іх толькі 5 залатых. 8 французскіх медалёў — срэбраныя, 3 — бронзавыя.
На трэцім месцы — кітайцы з 12 медалямі (5+5+2), на чацвёртым — аўстралійцы з 9 (5+4+0), на пятым — паўднёвыя карэйцы таксама з 9 (5+4+1). Замыкаюць шасцёрку амерыканцы: у іх найбольшая агульная колькасць медалёў (20), але з іх толькі 3 залатыя, а 8 і 9 адпаведна срэбраныя і бронзавыя.
Што тычыцца нашых найбліжэйшых суседзяў, то ўзнагароды пакуль маюць толькі палякі і ўкраінцы. Польскай зборнай срэбра прынесла слаламная вяслярка Клаўдзія Зваліньска, а ўкраінскай бронзу — фехтавальніца на шаблях Вольга Харлан.
Што тычыцца постсавецкіх краін, то сярод іх пры адсутнасці адхіленай ад спаборніцтваў Расіі вядзе пакуль што рэй Казахстан: 3 медалі (1+0+2). Па аднаму золату маюць Азербайджан і Узбекістан, а таксама дзве бронзы ёсць у Малдовы. Прытым, што цікава, усе ўзнагароды гэтых краін, за выключэннем адной казахстанскай бронзы па стральбе, заваяваныя ў адным-адзіным відзе спорту — барацьбе дзюдо.
Аліна Змушка заняла ў алімпійскім фінале восьмае месца
БТ паказала Алімпіяду, хоць у яго няма правоў. Карцінку ўзялі з «Еўраспорту»
Анастасія Шкурдай не здолела прабіцца ў паўфінал 100 м на спіне
Алімпійскага каментатара Eurosport адхілілі ад працы за сэксісцкае выказванне ў эфіры
Тынейджарка з Японіі стала алімпійскай чэмпіёнкай у 14 год. Прычым у якой дысцыпліне!
Арганізатары Алімпіяды папрасілі прабачэння за адсылку да «Тайнай вячэры» на цырымоніі адкрыцця
Памятаеце выпускніка інстытута ФСБ, які раскатваў па Гродне са сцягам Наваросіі? Цяпер ён стаў варшаўскім бізнэсменам29
Каментары