Музыка2323

«Божа, дай здароўя, Бацька дарагі». Спявак Герман Цітоў запісаў песню для Лукашэнкі

Палітыку прысвяцілі чарговую песню. Няскладную, але каго і калі гэта спыняла?

Герман Цітоў. Скрыншот відэа ў яго інстаграме

Спявак Герман Цітоў выклаў песню ў гонар Лукашэнкі ў інстаграм. Вось якія там словы:

Божа, дай здароўя, Бацька дарагі,
Будзе ў краіны хлеб і пірагі.
Сапраўды народны, сапраўды герой.
Беларусь за Бацькам, як за моцнай сцяной.

@nashaniva У Ганны Сялук з'явіўся сапраўдны канкурэнт! І гэта не нейрасеткі #лукашенко #песниотвсейдуши #беларусь #нашаніва #ябатька #пропаганда ♬ оригинальный звук - Наша Ніва. Навіны

Аўтарка гэтых ліслівых радкоў — паэтка Валянціна Хлань. Песня ёй спадабалася. У сваім інстаграме яна суправадзіла відэа подпісам: «Увага! Увага! Гаворыць Беларусь! Пад беларускім сцягам — людскі славім саюз!».

Валянціна жыве ў Глуску і працуе ў у санаторнай школе-інтэрнаце педагогам-арганізатарам. Апошнія дзесяць гадоў жанчына піша вершы і музыку для беларускіх артыстаў (у асноўным не першай велічыні). Раённая газета «Радзіма» піша, што яе песні гучаць на «Славянскім базары», лукашэнкаўскім «Купаллі» ў Александрыі, на розных праўладных канцэртах.

Нядаўна Валянціне пашанцавала. На яе аматарскую творчасць звярнуў увагу спявак Герман Цітоў і прапанаваў дыстанцыйна супрацоўнічаць з яго прадзюсарскім цэнтрам.

Герман Цітоў і Валянціна Хлань. Скрыншот яе інстаграма

У інтэрв’ю той жа раёнцы Валянціна распавяла, што дзякуючы Герману напісала песню, якая менш чым праз суткі стала новым гімнам «Раскосмасу».

— Так выйшла, што знаходзілася на бальнічным, з'явіліся час і магчымасць для напісання песні, — гэта было напярэдадні Дня касманаўтыкі, да таго ж якраз з космасу на Зямлю вярнулася Марына Васілеўская. І тут нарадзілася ідэя стварыць кампазіцыю да Дня касманаўтыкі. Тэкст накідала літаральна за некалькі гадзін, адправіла яго Герману, ён ухваліў, напісаў музыку, адразу ж запісаў у студыі і адправіў у «Раскосмас» — як падарунак брацкаму народу да свята.

На наступны дзень, 11 красавіка, Валянціне сталі тэлефанаваць з беларускага і расійскага пасольстваў з навіной, што кампазіцыя спадабалася, яна прызнана новым гімнам «Раскосмасу», а раніцай ужо трэба вылятаць у Маскву на святкаванне Дня касманаўтыкі.

— Атмасфера на свяце, вядома, была сапраўды неверагоднай, касмічнай. Я сядзела ў першым шэрагу. У зале былі прадстаўнікі «Раскосмасу», навукоўцы, вынаходнікі, касманаўты, выступалі зоркі сусветнага маштабу. У завяршэнні Герман выканаў новы гімн, для ўсіх гэта было сюрпрызам, поўнай нечаканасцю, кампазіцыя выклікала буру захаплення ў публікі.

Каментары23

  • Ёсік
    10.08.2024
    А мне спадабаецца назіраць, як га.нюкі ўсплываюць на паверхню, спаборнічаюць між сабой за ўзнагароду Найдаўжэйшы гладкі язык. Глядзіце і запамінайце, хто сабе псуе біяграфію, хто супраць чалавечнасьці і законаў, хто жадае ў будучым, каб зь ім абышліся аналагічна, як іхны кумір абыходзіцца зь беларусамі.
  • Ж. Дыктатара
    10.08.2024
    Какой у нево длінны язык, ды яшчэ і русскі
  • Абармот
    10.08.2024
    К чему вот это все? Сразу бы занимали очередь на поцелуй усатой задницы

Цяпер чытаюць

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Усе навіны →
Усе навіны

Трамп заклікаў жыхароў Тэгерана неадкладна эвакуявацца

У Кіеве пасля расійскага ўдару абрынуўся пад'езд дома: 14 загінулых6

Беларусы ставяць адну зорку дзіцячаму цэнтру, які трапіў у скандал з беларускай мовай13

Нетаньяху выказаўся адносна магчымага забойства вярхоўнага лідара Ірана5

Трамп заявіў, што Пуцін не пачаў бы вайну, каб Расію не выключылі з «Вялікай васьмёркі»12

У Віцебску двухгадовы хлопчык упаў з дзясятага паверха

Паліна з Салігорска набрала 400 балаў на экзаменах. Вось куды яна будзе паступаць8

У Кіраўску брат забіў сястру, хочучы абараніць яе ад мужчын са сваіх галюцынацый

На Заслаўскім замку спрабуюць раскрыць таямніцу падземнага ходу2

больш чытаных навін
больш лайканых навін

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі14

Расіянка расказвала пра глыбінную моц Лукашэнкі — цяпер яна ў слязах з'язджае з Беларусі

Галоўнае
Усе навіны →

Заўвага:

 

 

 

 

Закрыць Паведаміць