Вядоўца БТ расказаў, як яго прымусілі адмовіцца ад беларускага прозвішча. І кар'ера паляцела пад адхон
«Калі перайшоў на сваё прозвішча, я як быццам стаў самім сабой, пачаў адчуваць глебу пад нагамі», — кажа Дзяніс Пацэвіч.
Вядучы шоу «Добры вечар» Дзяніс Пацэвіч прыйшоў у студыю праграмы «Скажінемолчі» на тэлеканале «Беларусь 1». Дзяніс, які ў свой час стаў фіналістам першага сезона «Фактор.by», спыніўся на той частцы сваёй біяграфіі, калі ён у якасці спевака выступаў пад псеўданімам: Дзяніс Дзямідаў, піша «Камсамолка».
— Кампазітар Сяргей Сухамлін. Яшчэ да таго, як я працаваў у «Песнярах», мы з ім запісалі тры песні, потым мяне запрасілі ў «Песняры»… я прыйшоў да яго, кажу: «Сяргей, трэба сольную кар'еру мне рабіць!» Мы запісалі з ім некалькі песень.
Ён кажа: «Дзяніс Пацэвіч — гэта па-беларуску. Трэба нешта … Ну, незвычайнае». Я пачаў перабіраць розныя прозвішчы, праз некаторы час прыходжу да яго і кажу: «Дзяніс Дзямідаў — нармальна?». Ён кажа: «Добра гучыць!» Вось. Гэта яго ініцыятыва.
Артыст успомніў, што на «Х-Фактар» яго запісалі па пашпарце — Дзяніс Пацэвіч.
— Але я вам больш скажу. Калі я перайшоў на «Пацэвіч», на прозвішча сваё, у мяне ўсё папёрла. Уяўляеце!? Як быццам я перакрыў род свой, калі быў псеўданім.
«Вы ведаеце, я вывучаў, што такое — сіла роду. Род нам усім дапамагае, мы павінны яго праслаўляць, не важна, якія былі ў родзе людзі. Яны, можа, заблыталіся, але ў нас ёсць шанец зрабіць лягчэй ім там. І выцягнуць у цэлым род», — выказаў свой пункт меркавання Дзяніс.
Перайшоўшы на прозвішча Дзяніс Дзямідаў, лічыць вядучы, ён перакрыў дапамогу сваіх продкаў.
— І я аналізаваў, нават размаўляў са сваёй жонкай, з многімі людзьмі. Магчыма, у той момант прадстаўнікі майго роду пакрыўдзіліся на мяне. І ў мяне нічога не атрымлівалася ў той момант. Усё пакацілася, у бізнэсе, у працы нічога не было, у сям'і было ўсё не так. Калі перайшоў на сваё прозвішча, я як быццам стаў самім сабой, пачаў адчуваць глебу пад нагамі, — канстатаваў Дзяніс.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары