Грамадства2121

«Што гэта за мацюкі?» Лукашэнка спытаў у Пярцова, што за факультэт гуманітарыстыкі — той сказаў, што гэта «локцямі штурхацца»

Лукашэнка пацікавіўся, што значыць назва новага факультэта ў ВДУ. З тлумачэннем у прысутных узніклі праблемы.

Скрыншот відэа

Рэктар Віцебскага дзяржуніверсітэта Валянціна Багатырова расказала Аляксандру Лукашэнку пра новыя спецыяльнасці, якія адкрываюцца ў ВНУ.

Яго раптоўна зацікавіла незнаёмае слова ў назве аднаго з факультэтаў — гуманітарыстыка.

«Факультэт гуманітарыстыкі і моўных камунікацый. Вось гэтае мацюкальнае слова як разумець?» — спытаў ён.

Рэктар сказала, што слова прыдумалі філолагі. Лукашэнка папрасіў намесніка сваёй адміністрацыі Уладзіміра Пярцова растлумачыць, што гэта такое.

«Гэта тыя, хто з дапамогай моўных навыкаў, гуманітарыі, выбудоўваюць камунікацыю. Я так разумею», — не зусім упэўнена патлумачыў галоўны ідэолаг краіны.

Нехта з чыноўнікаў выказаў меркаванне, што на гэтай спецыяльнасці рыхтуюць перагаворшчыкаў.

У Багатыровай была ж іншая версія:

«Там мы рыхтуем перакладчыкаў-эканамістаў, здвоеная спецыяльнасць. Там мы вывучаем сем моў, нават кітайскую мову. Мы выкладаем асобнай спецыяльнасцю, таму што ёсць вялікі попыт на гэтым факультэце».

Пярцоў падхапіў ідэю: «Гэта тое, як вы казалі, «локцямі штурхацца на рынках». 

«Гуманітарыстыка — локцямі штурхацца? — з іроніяй спытаў Лукашэнка. — Чаму я звярнуў увагу. Мы часам разумнічаць пачынаем на роўным месцы. Абы здацца нейкімі моднымі, не рэтраграднымі».

Пасля гэтага Лукашэнка пусціўся ў доўгія развагі, што не трэба баяцца называць рэчы сваімі імёнамі, напрыклад, прапаганду не трэба баяцца называць прапагандай.

«Не, трэба называць гэта гуманітарыстыкай. Ну няхай гэта будзе прапаганда, агітацыя.

Вунь я на Ігара [Тура] гляджу, ён прапаганду сваю разгарнуў на ўсю краіну, ніхто на яго ўжо не плюе.

Трэба быць прасцей, каб нас людзі разумелі. І калі галоўны ідэолаг краіны не разумее, што такое гуманітарыстыка, і кажа, што гэта локцямі штурхацца, ну дык напішыце нешта бліжэй да локцяў», — сказаў Лукашэнка.

Рэктар ВДУ дадала, што магло быць яшчэ горш. Факультэт гэты раней называўся філалагічным. Аднак яго перайменавалі пасля таго, як адкрылі дзве новыя спецыяльнасці. Па словах Багатыровай, першы варыянт назвы, які прапаноўвалі філолагі, быў «зусім мацерным». 

«Трэба, каб было зразумела. Вось фізічная культура і спорт — гэта зразумела», — рэзюмаваў Лукашэнка.

Каментары21

  • нездаровый
    02.09.2024
    «Я, простите меня за это слово, немножко помешан на этом образовании. Для меня, я говорил, что, вот, говорят, здоровье главное. Необразованный здоровый человек – это здоровый дурак, я грубо говорил. Просто здоровый дурак. А здоровый дурак опасен для общества»
    Александр Григорьевич Лукашенко
    Выступление на "3-м Всебелорусском собрании"
    2 марта 2006 года
  • Glock17
    02.09.2024
    Сур'ёзна, вы чаго? Называйце рэчы сваімі імёнамі. Спешна перайменаваць у факультэт прапаганды і лізання дупы дыктатару!
  • Юз Алешковский
    02.09.2024
    Товарищ Сталин, вы большой учёный...
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Анжаліка Мельнікава тыдзень правяла на Шры-Ланцы і вылецела з дзецьмі ў Дубай24

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Усе навіны →
Усе навіны

У Мінску ўжо з'явілася новая сіняя разметка1

На парад у Гродне вывелі казу. З ёй аказалася складаней, чым з людзьмі ВІДЭА10

Што вядома пра беларуса Андрэя Сакалоўскага-Станкевіча, якога арыштавалі ў Расіі і абвінавачваюць у падрыхтоўцы дыверсіі2

Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы11

Расія і Украіна могуць падпісаць пагадненне аб спыненні агню ў гэтыя выхадныя — Мерц7

«Забралі буйную суму ў валюце». Што цяпер гавораць на Мазырскім НПЗ пра затрыманні сваіх топ-менеджараў

«Славакія і Сербія перамогуць!» Вучыч і Фіца запісалі відэа на фоне Крамля15

Круты анансаваў пераход у падліку ахвяр Другой сусветнай у Беларусі ад «кожнага трэцяга» да «кожнага другога»19

Пасля выбараў новага Папы свет абляцела ягонае нефармальнае ФОТА конна4

больш чытаных навін
больш лайканых навін

Анжаліка Мельнікава тыдзень правяла на Шры-Ланцы і вылецела з дзецьмі ў Дубай24

Анжаліка Мельнікава тыдзень правяла на Шры-Ланцы і вылецела з дзецьмі ў Дубай

Галоўнае
Усе навіны →

Заўвага:

 

 

 

 

Закрыць Паведаміць