Таксама Варшава перадала Лукашэнку неафіцыйны ліст з засцярогамі.
У артыкуле пра ўчорашнюю сустрэчу міністраў замежных спраў Польшчы і Беларусі Радаслава Сікорскага і Сяргея Мартынава, польская Gazeta Wyborcza піша, што Сікорскі перадаў праз Мартынава Лукашэнку неафіцыйны ліст.
Паводле газэты, у лісьце 10 пунктаў, падтрымку якіх Варшава ставіць у залежнасьць ад павагі Менску да правоў польскай меншасьці. Гаворка ідзе пра падтрымку для Беларусі сярод іншага ў пытаньнях чарговай пазыкі ад МВФ, скасаваньне візавых санкцыяў, пачатак у Беларусі часткі праграмаў Усходняга партнэрства, «і нават уваход Беларусі на правах паўнавартаснага чальца ў Раду Балтыйскіх дзяржаў».
Gazeta Wyborcza піша таксама, што МЗС Польшчы рыхтуе сьпіс грамадзянаў Беларусі, якім будзе забаронены ўезд на тэрыторыю Польшчы і ўсяго Эўразьвязу. Неафіцыйна паведамляецца, што ў ім — кіраўніцтва праўладнага саюзу палякаў на чале з Станіславам Сямашкам.
«Тэрмін абвяшчэньня гэтага сьпісу — гэта пытаньне гадзінаў і дзён, а ня тыдняў», — заявіў газэце прэсавы сакратар МЗС Польшчы Пётар Пашкоўскі.
Між тым учора кіраўнік Эўрапейскага парлямэнту Ежы Бузэк заявіў, што «не выключае разрыву дачыненьняў паміж ЭЗ і Беларусьсю. Калі ня будзе ніякага пазытыўнага водгуку на пацяпленьне, якое прапанаваў Эўразьвяз».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс1818
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс18
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары