Былы міністр абароны Вялікабрытаніі прапанаваў выставіць ультыматум Пуціну
Альбо Узброеныя сілы РФ спыняюць прымяненне планіруючых авіябомбаў па тэрыторыі Украіны, альбо Захад дазваляе выкарыстоўваць англійскую, французскую, нямецкую і амерыканскую ракетную зброю па ўсёй тэрыторыі Расіі, прапанаваў экс-міністр абароны Вялікабрытаніі Грант Шапс у сваёй калонцы для газеты The Times.
Грант Шапс адзначыў, што на фоне апошніх паветраных расійскіх удараў па ўкраінскіх гарадах, у прыватнасці з выкарыстаннем кіраваных авіяцыйных бомбаў, «мы павінны тэрмінова ўхваліць выкарыстанне нашай дальнабойнай зброі на тэрыторыі Расіі».
«Мы ведаем, што многія атакі робяцца з тэрыторыі самой Расіі. І ўсё ж, калі не ўлічваць наш дазвол наносіць удары па Крыме брытанскімі ракетамі, мы ўсё яшчэ асцерагаемся дазваляць нашым украінскім саюзнікам наносіць удары па крыніцы гэтых нападаў», — канстатуе экс-чыноўнік.
На думку былога кіраўніка Мінабароны Вялікабрытаніі, адсутнасць дазволу Украіне выкарыстоўваць Storm Shadow «там, дзе яны былі б найбольш эфектыўнымі», падрывае давер да Лондана як саюзніка Кіева.
«Прыйшоў час спыніць прасіць адважнае насельніцтва прэзідэнта Зяленскага ваяваць са звязанай рукой за спіной. Замест гэтага Брытанія павінна выдаць прамое папярэджанне Пуціну», — піша ён.
«Калі вы працягнеце забіваць мужчын, жанчын і дзяцей КАБамі, запушчанымі з Расіі, то мы прымусім астатні свет дазволіць нашым ракетам далёкага дзеяння знішчыць вашыя пускавыя ўстаноўкі, дзе б яны ні знаходзіліся — нават унутры Расіі», — тлумачыць Шапс.
Экс-міністр таксама заклікаў урад Вялікабрытаніі заахвочваць Францыю, ЗША і «больш стрыманую» Германію гэтак жа зняць абмежаванні на дальнабойную зброю для Украіны
«з простым ультыматумам Пуціну: спыніце вашы пастаянныя атакі на Украіну, ці мы падтрымаем адказ Украіны».
У апошнія тыдні, нагадвае «Еўрапейская праўда», Украіна актыўна заклікала саюзнікаў зняць усе абмежаванні на ўдары іх дальнабойнай зброяй па Расіі, тлумачачы, што гэта дазволіць паражаць у прыватнасці самалёты, з якіх запускаюць крылатыя ракеты і кіраваныя авіяцыйныя бомбы.
У пачатку ліпеня на Даўнінг-стрыт казалі, што палітыка ўрада па выкарыстанні Украінай перададзенай дальнабойнай зброі не змянілася. Пры гэтым брытанскі прэм'ер Кір Стармер сказаў, што спосаб выкарыстання перададзеных Брытаніяй ракет Storm Shadow з'яўляецца справай Украіны.
У той жа час, па даных СМІ, у Вялікабрытаніі падтрымліваюць ідэю ўдараў ракетамі Storm Shadow па цэлях у Расіі, аднак публічна не заклікаюць да яе, бо асцерагаюцца пагаршэння адносін з ЗША.
ЗША ўзгаднілі перадачу Украіне крылатых ракет вялікай далёкасці для F-16 — Reuters
Дазвол Украіне запускаць брытанскія ракеты Storm Shadow па Расіі блакуюць ЗША
Новы ўрад Вялікабрытаніі дазволіў выкарыстоўваць брытанскія ракеты Storm Shadow для ўдараў па Расіі
«Мы збіраем іх, як IKEA». Украіна пры дапамозе заходніх тэхналогій сама стварае дроны, якімі атакуе Расію
Цяпер чытаюць
У Лагойску пекар адмаўляецца прадаваць свой хлеб пакупнікам, у якіх ёсць сабакі65
Каментары