Здарэнні33

Чаму каты і кошкі так лёгка пралазяць у вузкія шчыліны? І не толькі

І чаму каты наогул любяць хавацца ў вузкіх месцах?

Кошкі вядомыя сваёй здольнасцю пралазіць праз неймаверна вузкія адтуліны. Але ў чым крыецца іх сакрэт? Уся справа ў асаблівасцях будовы іх цела, гаворыцца ў даследаванні, апублікаваным у часопісе iScience, піша RTVi.

Галоўная прычына гнуткасці катоў — іх плечавы пояс. У людзей лапаткі і ключыцы моцна злучаныя косткамі, а ў катоў яны прымацаваныя да цела толькі пры дапамозе цягліц. Гэта дае ім большую свабоду рухаў. Акрамя таго, ключыцы ў гэтых жывёл самі па сабе мініяцюрныя, што дазваляе ім з лёгкасцю праціскацца ў вузкія шчыліны.

«Гэта эвалюцыйная перавага дапамагае катам паляваць на дробную здабычу і хавацца ад драпежнікаў», — распавяла кіраўнік Міжнароднага таварыства кацінай медыцыны ў Вялікабрытаніі Наталі Доўграу.

Яшчэ адна важная дэталь — каціныя вусы.

Яны не толькі доўгія і шчыльныя ў параўнанні з астатняй расліннасцю на целе жывёлы, але і моцна адчувальныя. На іх сканцэнтравана мноства нервовых канчаткаў, якія дапамагаюць катам ацэньваць, ці змогуць яны пралезці ў адтуліну.

Дарэчы, некаторыя навукоўцы задаваліся пытаннем: «А ці не вадкія кошкі?». Фізік з Парыжскага ўніверсітэта Дзідро Марк-Антуан Фардэн у 2017 годзе атрымаў за гэта даследаванне Шнобелеўскую прэмію.

У апошнім жа даследаванні высветлілася, што кошкі сапраўды могуць быць «(амаль) вадкімі», пралазячы ў адтуліны, меншыя за іх грудную клетку. Гэта звязана з тым, што яны добра разумеюць памеры свайго цела і выбіраюць розны падыход для вузкіх і нізкіх адтулін.

А чаму каты наогул любяць хавацца ў вузкіх месцах? Аказваецца, яны робяць гэта, калі адчуваюць стрэс або хочуць адчуць сябе ў бяспецы.

«Калі кот напалоханы ці хоча адасобіцца, ён выбірае невялікія прасторы, каб адчуваць сябе ў бяспецы», — заявіла Доўграў.

Такім чынам, каціная гнуткасць — гэта не толькі вынік будовы цела, але і важная частка паводзін жывёл.

Каментары3

  • %
    20.09.2024
    Суседскі кот на лесвічнай клетцы вельмі любіць спаць у звычайнай каробцы ад абутку. Тая каробка меней яго ледзь не напалову. Але нічога - спакуецца у яе цалкам, толькі вушы вышей узроўню і сьпіць. Пакой і бяспека
  • Імя
    20.09.2024
    У гэтай газэце замала інфармацыі пра катоў. Прапаную шматлікія артыкулы пра Шрайбмана, Краўцова і іншых рускамірных замяніць на навіны феліналогіі.
  • Ёсік
    20.09.2024
    Коткі, а не кошкі.

Цяпер чытаюць

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Усе навіны →
Усе навіны

Блогер-канспіролаг Вірус спыняе сваю дзейнасць, бо ніхто яму не данаціў15

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы

Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу1

Топ-менеджарка Astronomer, якая абдымалася з CEO кампаніі на канцэрце Coldplay, таксама звольнілася4

У Віцебску абрынуліся сем гаспадарчых пабудоў з-за падмывання грунту

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі32

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні4

больш чытаных навін
больш лайканых навін

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Галоўнае
Усе навіны →

Заўвага:

 

 

 

 

Закрыць Паведаміць