Беларуская блогерка паказала, які жах можа адбывацца з вуснамі, калі хочаш іх павялічыць — а потым паменшыць
Беларуская блогерка Алена Кардон-Мелавацкая прадэманстравала свае няўдалыя эксперыменты з вуснамі. Спачатку яна спрабавала іх павялічыць, але атрымалася неідэальна. Каб выправіць вынік, блогерка вырашыла вывесці філер. Але эфект атрымаўся яшчэ больш жудасны.
У Алены Кардон-Мелавацкай 140 тысяч падпісчыкаў у інстаграме і 30 тысяч падпісчыкаў у тыктоку. Раней яна пазіцыянавала сябе як сэкс-коўч, цяпер жа навучае іншых экспертаў, як весці сацыяльныя сеткі.
Блогерка вырашыла павялічыць вусны з дапамогай уколаў, але вынік яе расчараваў. Філер размеркаваўся няправільна, і ў вуснах утварылася два шарыкі, асабліва прыкметныя пры нанясенні макіяжу.
Непрыемны эфект — таму блогерка зноў звярнулася да спецыялістаў, каб вывелі філеры. Яна жартавала, што будзе «выдаляць вусны».
У такіх выпадках звычайна ў патрэбную вобласць уводзіцца спецыяльны прэпарат — фермент гіялуранідаза, які расшчапляе гіялуронавую кіслату. Тэарэтычна вусны павінны прыйсці ў норму літаральна праз пару гадзін. Але ад пабочных эфектаў ніхто не застрахаваны.
— Я ведала, што гіялуранідаза — даволі алергічны прэпарат, — распавяла блогерка ў тыктоку. — А я — алергік. У мяне алергія на мёд, на пеніцылін і на розныя віды ўкусаў. Я ведала, што мае вусны разнясе. Але што да такога памеру, я, канечне, не падазравала…
Алена прызналася, што ўводзіць фермент гіялуранідаза даволі балюча, але гэта яе не спыніла. Яна стала чакаць, калі ж філер растварыцца. З кожнай гадзінай вусны станавіліся толькі больш. Праз пяць гадзін яны распухлі так, што блогерцы стала цяжка размаўляць. А праз шэсць яна паехала ў аптэку па антыгістаміннае.
Жанчына не губляла аптымізму і жартавала з сітуацыі:
— Не магу толькі зразумець, чаму я еду на «Фардзе», а не на «Лексусе».
Пасля прыёму лекаў ад алергіі ацёк усё ж стаў паступова сыходзіць. Вечарам наступнага дня філер яшчэ не растварыўся, але на вуснах пачалі з'яўляцца маршчынкі і заломы — а гэта значыць, што прэпарат нарэшце пачаў працаваць як трэба.
— Ацёку Квінке не было, хоць я вельмі алергены чалавек. Я не хвалявалася. Мне было ўсё роўна. Памру дык памру. Можа, у божанькі на мяне іншыя планы.
У каментарыях у тыктоку спыталі, ці плануе Алена зноў паспрабаваць павялічыць вусны. «Так, але думаю, не раней, чым праз месяц», — адказала блогерка.
«У Беларусі абышлося б даражэй». Блогерка адсвяткавала вяселле на Паўночным Кіпры і распавяла, колькі гэта каштуе
У мінскім шматпавярховіку з’явіўся столік, каб дзяліцца з суседзямі ежай. А вы б рызыкнулі пачаставацца?
Блогерка-ябацька выйшла замуж за прапагандыста з «Мінскай хвалі»
Закаханыя ў Мінску хацелі сабраць з падпісчыкаў $10 тысяч на вяселле мары. Колькі ж у выніку ім заданацілі?
Цяпер чытаюць
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?5
Каментары