Тэматычныя каналы легендарнага MTV знікнуць у шматлікіх краінах ужо хутка.
Кампанія Paramount згортвае вяшчанне цэлай лінейкі каналаў MTV па ўсёй Еўропе.
Пасля 31 снежня 2025 года ў Вялікабрытаніі перастануць паказваць TV Music, MTV 80s, MTV 90s, Club MTV і MTV Live. Працягне вяшчанне толькі флагманскі MTV HD, які ўжо даўно сканцэнтраваўся на рэаліці-шоу, а не на музыцы.
Такі ж лёс чакае гледачоў не толькі ў Вялікабрытаніі. Тэматычныя каналы MTV перастануць паказваць у Аўстрыі, Бельгіі, Венгрыі, Германіі, Люксембургу, Нідэрландах і Польшчы, піша Broadband TV News.
У Paramount пакуль ніяк не пракаментавалі паведамленні аб спыненні вяшчання, але прадстаўнікі аператараў еўрапейскіх тэлевізійных платформаў пацвердзілі гэтую інфармацыю.
У паведамленні аб закрыцці пяці каналаў MTV гаворыцца, што гэты крок адлюстроўвае змяненне звычак гледачоў. У кампаніі заўважылі, што музычныя кліпы людзі цяпер у асноўным глядзяць на YouTube і ў сацыяльных сетках, а не па тэлебачанні, паведамляе Бі-бі-сі.
Вяшчанне каналаў MTV збіраюцца згарнуць не толькі ў Еўропе, але і ў Бразіліі і Аўстраліі. Медыяхолдынг казаў пра планы скараціць выдаткі па ўсім свеце на 500 мільёнаў долараў.
Тэлеканал MTV з'явіўся ў ЗША ў 1981 годзе і стаў культавым для многіх пакаленняў гледачоў па ўсім свеце.
-
Ганна Бонд плюецца ад канцэрта Алега Маямі. Паспрабавала нават вярнуць грошы
-
Рэпер Пазнякс, які парваў інтэрнэт песняй пра гавайскую піцу, выпусціў з Мэйбі Бэйбі сумесны трэк «Жабінка-Гродна»
-
Фанаты Тэйлар Свіфт наваднілі музей у Германіі, каб пабачыць карціну, да якой спявачка зрабіла адсылку ў сваім новым кліпе
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары