«Мы селі і сядзелі, а што рабіць?» У Старадарожскім раёне тры пенсіянеркі правялі цэлую ноч у лесе
Тры пенсіянеркі са Старадарожскага раёна пайшлі збіраць журавіны і заблукалі. Яны правялі ў лесе ўсю ноч, паведамляе прэс-служба МНС.
Жанчыны 67, 79 і 85 гадоў заблукалі ў балоцістым лясным масіве ў сераду, 2 кастрычніка, недалёка ад вёскі Раз'езд Фалічы. Яны патэлефанавалі ратавальнікам у 20:00, а знайшлі іх толькі ў 9:40 наступнай раніцай.
Медыцынская дапамога жанчынам не спатрэбілася.
«Сцямнела. Мы селі і сядзелі, а што рабіць? Потым пайшлі на гук цягніка. Такога лесу мы яшчэ не бачылі», — расказала адна з жанчын.
Каментары