Свет

На Нобелеўскую прэмію міру сёлета прэтэндуе 286 кандыдатаў

Букмекеры ставяць на Навальнага, але прэмія не ўручаецца пасмяротна.

Нобелеўскі медаль. Фота: Angela Weiss/Pool Photo via AP, File

На Нобелеўскую прэмію міру ў 2024 годзе намінавалі 286 кандыдатаў, сярод якіх Папа Рымскі Францішак. Пра гэта паведамляе «Голас Амерыкі» са спасылкай на Reuters.

Адным з фаварытаў у букмекераў стаў расійскі апазіцыянер Аляксей Навальны, які загінуў у лютым у калоніі ў Ямала-Ненецкай аўтаномнай акрузе.

У спісе з Навальным знаходзіцца і прэзідэнт Украіны Уладзімір Зяленскі. Reuters адзначае, што Навальнаму прэмію прысудзіць не могуць, бо Нобелеўскую прэмію міру не ўручаюць пасмяротна. Зяленскі, відавочна, не пераможа, бо ўзначальвае ваюючую краіну.

У лік фаварытаў сёлета таксама ўвайшлі агенцтва ААН у справах палесцінскіх уцекачоў, Міжнародны суд ААН і генеральны сакратар арганізацыі Антоніу Гутэрыш.

Прысуджэнне прэміі арганізацыі ў справах палесцінскіх уцекачоў выкліча спрэчкі з-за інфармацыі аб тым, што некалькі яе супрацоўнікаў 7 кастрычніка мінулага года маглі быць датычныя да нападу на поўдзень Ізраіля палесцінскай групоўкі ХАМАС. Яна прызнаная тэрарыстычнай у ЗША і Еўрасаюзе.

Нарвежскі нобелеўскі камітэт сёлета можа не прысуджаць прэмію нікому. Такое здаралася 19 разоў у гісторыі прэміі. Апошні раз — у 1972 годзе.

Абвяшчэнне нобелеўскіх лаўрэатаў сёлета праходзіць з 7 да 14 кастрычніка. Лаўрэата прэміі міру абвесцяць 11 кастрычніка (наступная пятніца).

Летась узнагароду атрымала іранская праваабаронца Наргіз Махамадзі. Пазалетась прэмія была прысуджана беларускаму праваабаронцу Алесю Бяляцкаму, які тады і цяпер знаходзіўся за кратамі і быў асуджаны ў сакавіку 2023 года на 10 гадоў калоніі.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску9

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну5

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

У назвах станцый метро на выхадах з падземкі зніклі некаторыя літары1

Карл ІІІ у Канадзе: Сапраўдная Поўнач моцная і свабодная1

Мінчук з яркай знешнасцю выкладае сэксі-танцы і вучыць мастацтву разняволення12

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць