7 кастрычніка расійскія войскі атакавалі балістычнымі ракетамі партовую інфраструктуру ў Адэсе і трапілі ракетай у цывільнае судна пад сцягам ціхаакіянскай астраўной дзяржавы Палау, піша «Украінская праўда».
«Вораг атакаваў Адэсу балістычнымі ракетамі. Мэтай агрэсара стала партовая інфраструктура. Балістычнай ракетай вораг трапіў у цывільнае судна пад сцягам Палау. Загінуў 60-гадовы ўкраінец, работнік прыватнай кампаніі, якая апрацоўвае грузы. Яшчэ пяцёра замежных грамадзян пацярпелі. Чацвёра з іх у стане сярэдняй ступені цяжкасці, адзін — лёгкай. Цяпер ім аказваецца неабходная медыцынская дапамога», — паведаміў кіраўнік Адэскай вобласці Алег Кіпер.
Паводле даных Абласной дзяржаўнай адміністрацыі, за апошнія некалькі дзён гэта ўжо другая атака цывільнага судна ў партах Адэскай вобласці.
Каментары