Крэмль зняпраўдзіў звесткі пра сем тэлефонных размоваў Пуціна з Трампам
Пяскоў назваў няслушнымі звесткі журналіста Боба Вудварда пра тое, што Трамп пасля сыходу з Белага дома сем разоў размаўляў з Пуціным. У Крамлі заявілі, што гэта дэзынфармацыя ў кантэксце перадвыбарчай палітычнай кампаніі, піша РБК.
Звесткі пра тое, што былы прэзідэнт Дональд Трамп пасля сыходу з пасады сем разоў размаўляў па тэлефоне з Уладзімірам Пуціным, не адпавядаюць рэчаіснасці, заявіў РБК прэс-сакратар расійскага прэзідэнта Дзмітрый Пяскоў.
«Не, гэта не так», — сказаў ён у адказ на пытанне, ці стэлефаноўваліся Пуцін з Трампам.
У каментары The New York Times Пяскоў заявіў, што «гэта тыповая дэзынфармацыя ў кантэксце перадвыбарчай палітычнай кампаніі».
Пра тэлефонныя перамовы напярэдадні паведаміў CNN са спасылкай на кнігу журналіста Боба Вудварда «Вайна», якая будзе апублікаваная 15 кастрычніка. У прыватнасці, там апісаны эпізод, які здарыўся ў маёнтку Трампа Мар-а-Лага ў Фларыдзе, калі палітык папрасіў свайго старшага памочніка выйсці з пакоя, каб «ён мог, як ён выказаўся, пагаварыць па тэлефоне з прэзідэнтам Расіі Уладзімірам Пуціным». Магчымы змест гэтых гутарак не прыводзіўся.
Аўтар кнігі прызнаў, што ў яго няма іншых крыніц, якія пацвярджалі б, што Трамп падтрымліваў сувязь з Пуціным пасля сыходу з пасады, паказвае NYT. Каля 20 былых і дзеючых супрацоўнікаў адміністрацыі і разведкі ЗША паведамілі, што нічога пра гэта не ведаюць, але некаторыя не выключылі такой імавернасці.
Цяпер чытаюць
Што расказваў Статкевіч суседзям у ноч перад выездам на мяжу28
Каментары