Kreml źniapraŭdziŭ źviestki pra siem telefonnych razmovaŭ Pucina z Trampam
Piaskoŭ nazvaŭ niasłušnymi źviestki žurnalista Boba Vudvarda pra toje, što Tramp paśla sychodu ź Biełaha doma siem razoŭ razmaŭlaŭ z Pucinym. U Kramli zajavili, što heta dezynfarmacyja ŭ kantekście pieradvybarčaj palityčnaj kampanii, piša RBK.
Źviestki pra toje, što były prezident Donald Tramp paśla sychodu z pasady siem razoŭ razmaŭlaŭ pa telefonie z Uładzimiram Pucinym, nie adpaviadajuć rečaisnaści, zajaviŭ RBK pres-sakratar rasijskaha prezidenta Dźmitryj Piaskoŭ.
«Nie, heta nie tak», — skazaŭ jon u adkaz na pytańnie, ci stelefanoŭvalisia Pucin z Trampam.
U kamientary The New York Times Piaskoŭ zajaviŭ, što «heta typovaja dezynfarmacyja ŭ kantekście pieradvybarčaj palityčnaj kampanii».
Pra telefonnyja pieramovy napiaredadni paviedamiŭ CNN sa spasyłkaj na knihu žurnalista Boba Vudvarda «Vajna», jakaja budzie apublikavanaja 15 kastryčnika. U pryvatnaści, tam apisany epizod, jaki zdaryŭsia ŭ majontku Trampa Mar-a-Łaha ŭ Fłarydzie, kali palityk paprasiŭ svajho staršaha pamočnika vyjści z pakoja, kab «jon moh, jak jon vykazaŭsia, pahavaryć pa telefonie z prezidentam Rasii Uładzimiram Pucinym». Mahčymy źmiest hetych hutarak nie pryvodziŭsia.
Aŭtar knihi pryznaŭ, što ŭ jaho niama inšych krynic, jakija paćviardžali b, što Tramp padtrymlivaŭ suviaź z Pucinym paśla sychodu z pasady, pakazvaje NYT. Kala 20 byłych i dziejučych supracoŭnikaŭ administracyi i raźviedki ZŠA paviedamili, što ničoha pra heta nie viedajuć, ale niekatoryja nie vyklučyli takoj imaviernaści.
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram9
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary