У Наваполацку ўключылі гірлянды на гарадской навагодняй елцы
У тыктоку апублікавалі ролік, у якім паказалі навагоднюю ёлку з уключанымі гірляндамі ў Наваполацку, заўважыў Telegraf.news.
Скрыншот з відэа
«Наваполацк, 8 кастрычніка 2024 года. У нас уключылі елку», — падзялілася аўтарка роліка і паказала яе. У адным з каментароў дзяўчына ўдакладніла, што елка стаіць на вуліцы Маладзёжнай у горадзе.
«Гэта замест ацяплення», — пажартавала адна каментатарка.
«Навукоўцы папярэджвалі, што час ідзе хутчэй», — падтрымаў яе іншы.
У адным з каментароў аўтарка роліка расказала, што з гэтай жывой елкі ў Наваполацку гірлянды не здымаюць: «У вочы яны не кідаюцца, калі не ўключыць, а цягаць туды-сюды сэнсу няма штогод».
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі7
Каментары