Эканоміка1212

«Пераліванне крыві» змяняе рынак працы ў Беларусі. Нізкакваліфікаваных работнікаў дэфіцыт, высокакваліфікаваныя вяртаюцца

«Наша Ніва» распытала трох уласнікаў бізнэсаў з Мінска і рэгіёнаў пра сітуацыю на рынку працы. 

Усе, хто мае патрэбу ў нізкакваліфікаванай працоўнай сіле, называюць сітуацыю з кадрамі складанай. Ілюстрацыйнае фота: Наша Ніва

У Беларусі рэкордна нізкае беспрацоўе — 3%. Гэтая лічба меншая за нармальную. У нізкім беспрацоўі нічога добрага няма, яно разганяе інфляцыю: канкурэнцыя за кадры гоніць уверх заробкі і, адпаведна, сабекошт прадукцыі і паслуг.

Па некаторых рабочых спецыяльнасцях медыянныя заробкі за год скокнулі на траціну. 

У першым паўгоддзі 2024 колькасць свабодных працоўных месцаў (160,6 тысяч) перабольшвала колькасць афіцыйных беспрацоўных (141,7 тысяч). Попыт на кадры з працоўнымі спецыяльнасцямі складае 67% ад агульнай колькасці вакансій, большасць з тых, хто звяртаецца ў службу занятасці, хутка ўладкоўваецца. 

Партал rabota.by звяртае ўвагу, што ў 2024 годзе колькасць вакансій на сайце не апускаецца ніжэй за 36 тысяч. А толькі за першыя два кварталы 2024 (у параўнанні з пачаткам года), рост вакансій у такіх сферах як будаўніцтва, рабочы персанал, турызм, перавозкі, склаў +36,3%, +35%, +34,6%, +32,8% адпаведна. 

Як усё гэта бачыцца не ў лічбах, а на ўзроўні ўспрымання кіраўнікоў бізнэсу? Пра гэта «Наша Ніва» апытала трох уласнікаў бізнэсаў з інтарэсамі ў розных галінах. 

Будаўнічы сектар, прамысловасць, лагістыка — усе, хто мае патрэбу ў нізкакваліфікаванай працоўнай сіле, называюць сітуацыю з кадрамі складанай.

«Тыя, хто раней быў гатовы працаваць фактычна за ежу, цяпер круцяць насамі і просяць высокіх заробкаў. Але нават на добрыя заробкі людзей фізічна не хапае», — кажа адзін з бізнэсменаў. 

Чаму так адбываецца? Сярод прычын называюць палітычную эміграцыю, скарачэнне насельніцтва і спыненне прытоку працоўнай сілы з Украіны. Але асабліва — ператок рабочых у Расію.

Расіяне ідуць на фронт, там вялізныя выплаты, і, каб іх утрымаць, працадаўцы павышаюць заробкі. Усё большыя заробкі і патрэбы ў Расіі высмоктваюць туды нізкакваліфікаваную сілу і з Беларусі. 

Недастачу работнікаў кампенсуюць рабочымі з Цэнтральнай Азіі. 

«Не выключаю, што будуць дамаўляцца аб прыездзе рабочых з Паўночнай Карэі, — кажа суразмоўца «Нашай Нівы». — У сярэдзіне 2010-х, перад Еўрапейскімі гульнямі, паўночнакарэйскіх будаўнікоў прывозілі, а цяпер такі варыянт сур'ёзна прапрацоўваюць заводы». 

Пры гэтым апытаныя намі бізнэсмены адзначаюць, што з высокакваліфікаванай працоўнай сілай такой вострай праблемы няма. Гэта датычыць як ІТ, так і іншых сфер. 

«Сапраўдных геніяў мы выносім за дужкі, іх заўсёды мала. А калі браць у сярэднім, то сітуацыя палепшала проці 2021—2022 гадоў. Падрасло новае пакаленне, якое замяніла тых, хто выехаў», — сказаў адзін з прадпрымальнікаў. 

Другі суразмоўца дадае ў фактары ўплыву зваротную міграцыю. 

«Калі для рабацягі пераезд у Еўропу — гэта магчымасць пажыць па-людску, то для прадстаўніка сярэдняга класа — падзенне ў дабрабыце, з улікам таго, што тут у яго ёсць жытло, а там трэба здымаць.

Тыя людзі, якія беглі не ад канкрэтнай пагрозы, а на эмоцыях, сутыкаюцца з рэальнасцю і вяртаюцца. Да мяне вярнулася некалькі інжынераў, якія раней выехалі, але не змаглі арганізаваць побыт у ЕС, — расказвае бізнэсовец. — Яны не былі ў вышуку, таму вырашылі рызыкнуць і вярнуцца», — дадаў кіраўнік адносна вялікай ІТ-кампаніі. 

Трэцім фактарам на рынку працы называюць вялікую колькасць адукаваных былых бюджэтнікаў, якіх звольнілі па палітычных матывах. 

«Яны ніколі не працавалі ў прыватным сектары, баяліся туды ісці, але цяпер лёс іх сам выкінуў, і мы іх падбіраем.

Чакаем таксама, што перад выбарамі пройдуць вялікія чысткі і на вялікіх прыватных прадпрыемствах, бо такія спісы рассылаюцца ўжо масава. У спісах там дзясяткі, у вялікіх арганізацыях — сотні прозвішчаў на звальненні. Я так разумею, што ў наступным годзе ў нас будзе свайго роду пераліванне крыві, памяняемся супрацоўнікамі», — з сумнай іроніяй дадае яшчэ адзін суразмоўца «Нашай Нівы». 

Каментары12

  • Барадзед
    26.10.2024
    По слухам на заводе Санта Бремор не хватает три тысячи рабочих. Я привезу работников из КНДР. - Везите. Я угадаю мелодию с одной ноты. - Угадывайте.
  • ЗХ
    26.10.2024
    "Тыя, хто раней быў гатовы працаваць фактычна за ежу, цяпер круцяць насамі..."
    Ну дык а ты чаго круціш носам, "бізнэсмэн"? Кідай свой бізнэс і працуй за ежу, каб не разганяць інфляцыю!
  • Дмитрий
    26.10.2024
    [Рэд. выдалена]
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Усе навіны →
Усе навіны

Журналісты атрымалі доступ да сакрэтных планаў расійскіх ядзерных вайсковых баз3

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі5

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

Фатограф-агент Мішчук расказаў сваю версію таго, што адбылося12

У Мінску здаецца пасутачна кватэра, у якой няма дзвярэй у прыбіральню. З канапы адкрываецца від і на тэлевізар, і на ўнітаз

больш чытаных навін
больш лайканых навін

БНТУ: Выкладчык, які ўцякаў ад міліцыі, памёр ад сардэчнага прыступу

БНТУ: Выкладчык, які ўцякаў ад міліцыі, памёр ад сардэчнага прыступу

Галоўнае
Усе навіны →

Заўвага:

 

 

 

 

Закрыць Паведаміць