Расійская журналістка загінула ў гатэлі ў Ташкенце: яна задыхнулася балотным газам у сваім нумары
Паводле папярэдняй версіі, жанчына атруцілася газам, які трапіў у вентыляцыйную сістэму. Разам з ёй загінуў мужчына, пра якога падрабязнасцей няма.
Інэса Паперная, якая працавала ў выданні «Лента» і часопісе «Профиль», прыехала ва Узбекістан у адпачынак. У гатэлі «Караман Палас» яна спынілася са сваім спадарожнікам. Увечары 20 кастрычніка Інэсе прыйшла пасылка.
Супрацоўнікі гатэля не змаглі датэлефанавацца да пастаялкі, на грук у дзверы таксама ніхто не адказваў. Вырашылі адкрыць нумар. Унутры знаходзілася два целы: Папернай і яе сябра, распавядае «База».
Паводле папярэдняй версіі, загінулыя атруціліся газам, які трапіў у вентыляцыйную сістэму.
У ноч з 19 на 20 кастрычніка ў гатэлі чысцілі басейн — мяркуючы па ўсім, газ падняўся па стаяку і прасачыўся ў нумар Папернай. Паводле звестак «Базы», пасля здарэння «Караман Палас» апячаталі, цяпер ідзе расследаванне. Цела журналісткі цягам двух дзён даставяць у Маскву.
Каментары
На много ближе и дешевле Тайланда.