Ва ўмовах фактычнай забароны адзначаць папулярныя заходнія святы гомельскія клубы падмяняюць іх расійскімі. Замест Хэлаўіна яны клічуць наведвальнікаў на «Вялесаву ноч», якая пазіцыянуецца як славянскі аналаг гэтага свята, піша «Флагшток».
Вялес у старажытнарускай міфалогіі — гэта «жывёльны бог», заступнік жывёлы, лясоў, сельскай гаспадаркі і магіі.
Паводле тэорыі асноўнага міфа, Вялес — змеепадобны бог, які жыве на Зямлі, антаганіст нябеснага грамабоя Перуна.
Вечарыну ў гонар Вялеса анансавалі, у прыватнасці, гомельскі клуб «Нема» і жлобінскі Relax Club & Exclusive. У гомельскай установе абяцаюць варажбу, магічныя рытуалы, прысутнасць шаманаў, ведзьмаў, лесуноў і русалак, а ў жлобінскім клубе — «самую страшную ноч у годзе» з фотазонай і падарункамі.
У выніку сутнасць застаецца тая ж: папулярызацыя «нячыстай сілы», «зносін з мёртвымі», шанаванне паганскага бога Вялеса.
Ідэя замены гэтага свята «Вялесавай ноччу» прыйшла ў Беларусь з Расіі. Там вечарыны пад такой назвай масава ладзяць замест Хэлаўіна ў школах, што крытыкавалі нават прыхільнікі «рускага свету».
Дарэчы, у некаторых гомельскіх установах, у тым ліку дзіцячых, усё ж маюць намер адзначыць менавіта Хэлаўін, як сказана ў аб'явах. Але афіцыйна свята будзе мець іншыя назвы. Пры гэтым праграмы Хэлаўіна не такія «дэманскія», як у «Вялесавай ночы», — віктарыны, квэсты, танцы.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў4
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары