Ян Маўзер, адзін з лідэраў магілёўскай рок-сцэны, будзе прэзентаваць свой новы альбом не як зазвычай: мінская публіка не пабачыць абяцаных імпэтных электрычных запілаў упоравень з палкімі скокамі фронтмэна і гітарыстаў. Усё будзе амаль па-бардаўску: 2 гітары, вакал ды акустычная версія новага альбома «Порна» і старых хітоў («Калыханкі», «Усміхайся»), а таксама дэкламаванне ўласных вершаў.
«Наша Ніва»: Ян, дык што здарылася?
Ян Маўзер: Звычайна мы рэпетуем не толькі песні, але і адпрацоўваем сцэнічнае шоў — вось я і скочыў ды гэтак няўдала прызямліўся. Таму цяпер вымушаныя даваць акустыку.
«НН»: А чаму назва альбома такая, «Порна»?
ЯМ: Былі мы маленькія і чыстыя, зрабіліся вялікія і брудныя. Новы альбом пра духоўнае порна, якое нас атачае. А супраць аголенай натуры як такой я нічога не маю.
«НН»: Як там Магілёў маецца?
ЯМ: Магілёў — цяжкі для выступаў і культурных імпрэзаў горад, а ў Мінску атмасфера лепшая і публіка трымае ад выканаўцы належную дыстанцыю. Не для флірту з публікай кажу, Мінск — клёвы горад.
«НН»: Каб заняцца творчасцю, вы сышлі з банкаўскай працы: цяпер, падчас стагнацыі, назад не цягне?
ЯМ: Ой, не. Праца ў банку — чорны перыяд. У мяне цяпер нягледзячы ні на што — творчы ўздым.
Такім парадкам, клуб «Рэактар». Рок-гурт MAUZER з прэзентацыяй новага альбома «Порна». Пачатак а 18. Квіткі: 18—25 тыс.
П.С. Хлопцам вельмі няёмка, што гэты разам іх скокі на сцэне мінская публіка пабачыць не здолее, і таму прапануюць для наведнікаў канцэрт істотную зніжку на наступны мінскі выступ.
Пракуратура пра смерць Мелказёрава: журналіст меў хранічную хваробу17
Каментары