У Беларусі заблакавалі доступ да платформы Upwork і двух іншых сэрвісаў
Рашэннем ад 18 лістапада 2024 года Міністэрства па падатках і зборах абмежавала доступ да глабальнай платформы для фрылансераў Upwork, гандлёвай пляцоўкі Etsy (спецыялізуецца на вырабах ручной працы і старадаўніх рэчах і матэрыялах) і e-commerce правайдэра Paddle (дае рашэнні для кіравання падпіскамі і аплаты тавараў і паслуг анлайн), піша Devby.io.
Раней гэта самае міністэрства паведамляла, што з 2024 года мае права блакаваць замежныя электронныя гандлёвыя пляцоўкі, калі яны парушаюць заканадаўства Беларусі, а менавіта завінаваціліся падаткаў на суму 3000 базавых велічынь (37300 даляраў) — незалежна ад таго, стаяць яны на ўліку ў падатковых органах Беларусі ці не.
Кіруючыся гэтым правам, МПЗ 5 жніўня ўжо абмежавала доступ да сэрвісу па браніраванню жылля Airbnb (уключаючы міжнародную і рускамоўную версіі сайта), сайтаў гульнявой карпарацыі Activision-Blizzard (уключаючы гульнявую платформу Battle.net і мабільную Call of Duty), украінскага анлайн-кінатэатра Megogo і нямецкага воблачнага правайдара Hetzner.
Нягледзячы на тое, што МПЗ абяцае хуткае разблакаванне тым, хто выплаціць падаткі і ўстане на ўлік, ні адзін забанены ў жніўні сэрвіс дагэтуль не разблакаваны.
Вясной 2022 года Upwork прыпыніў супрацоўніцтва з кліентамі з Расіі і Беларусі. Аналагічна зрабілі таксама Etsy і Paddle.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары