«На асуджаных могуць уздзейнічаць звонку». Сілавікі вучыліся душыць бунт у калоніі
Гэта чарговы этап вучэнняў МУС, якія праходзяць па ўсёй краіне.
У адной з выпраўленчых калоній унутраныя войскі і іншыя падраздзяленні вучыліся душыць бунт зняволеных.
Заняткі прайшлі ў прысутнасці міністра ўнутраных спраў Івана Кубракова і кіраўнікоў іншых сілавых ведамстваў. МУС паведамляе, што для вырашэння задачы была створаная зводная групоўка з прадстаўнікоў розных падраздзяленняў.
Кубракоў заявіў, што ў вучэннях выкарыстоўваўся ў тым ліку досвед Расіі, дзе ў калоніях захоплівалі закладнікаў і забівалі канваіраў.
«Памятаем пра інцыдэнт у адной з калоній у Расіі, дзе загінулі праваахоўнікі, і разумеем, што на свядомасць асуджаных, якія адбываюць пакаранне ў ВК, могуць паспрабаваць уздзейнічаць звонку. І супрацоўнікі Дэпартамента выканання пакаранняў, спецпадраздзяленняў, унутраных войскаў, павінны быць гатовыя дзейнічаць у гэтых установах пры бунце, захопе закладнікаў», — адзначыў Кубракоў.
Мяркуючы з відэа МУС, сілавікі вучыліся ўжываць у тым ліку агнястрэльную зброю і вадамёты.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім17
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3636
Каментары