Франак Вячорка змешчаны ў рэспубліканскі вайсковы шпіталь у Мінску
Адзін з лідэраў маладзёжнай арганізацыі Партыі БНФ «Моладзь БНФ» Франак Вячорка змешчаны ў рэспубліканскі вайсковы шпіталь у Мінску. Пра гэта паведаміў яго бацька Вінцук Вячорка.
Паводле яго слоў, Франка Вячорку забралі з вайсковай часці № 48694 у Мазыры, дзе малады чалавек праходзіць тэрміновую службу, позна вечарам 25 лютага. Раніцай 26‑га стала вядома, што яго даставілі ў Мінск.
Вінцук Вячорка мяркуе, што яго сына прывезлі для ультрагукавога абследавання сэрца. «Калі сын ляжаў у бальніцы ў Мазыры з грыпам, дактары выявілі, што ў яго хвароба сэрца, несумяшчальная са службай у войску. Вось яны зараз і вымушаныя мітусіцца», — заявіў Вячорка.
У ліпені 2008 года медкамісія ваенкамата Савецкага раёна Мінска прызнала Франака Вячорку непрыгодным да ваеннай службы па стане здароўя. Абласная медкамісія паставіла гэта рашэнне пад сумненне. Пасля абследавання ў ваенным шпіталі маладому чалавеку была дадзена адтэрміноўка ад службы да сакавіка 2009 года. Аднак 16 студзеня ваенкамат Савецкага раёна Мінска прызнаў маладзёжнага актывіста прыгодным да ваеннай службы. Суд гэтага ж раёна, дзе было абскарджана рашэнне ваенкамата, 23 студзеня пакінуў яго ў сіле. Рашэнне суда было прынятае пры адсутнасці Франака і яго адваката.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары