Цяперашні галоўны рэдактар «Народнай газеты» Дзмітрый Крат адзначаўся бруднымі каментарамі ў адрас арыштаваных журналістаў незалежных СМІ.
Ён быў галоўным рэдактарам «Народнай газеты». Паведамляецца, што Крат памёр у 52 гады пасля хваробы.
Раней працаваў у газеце «СБ. Беларусь сегодня».
Крат нарадзіўся ва ўкраінскай Горлаўцы, вучыўся там і ў расійскім Благавешчанску, а таксама ў сувораўскай вучэльні на краі Азіі — ва Усурыйску. Яго адукацыя — Мінская вышэйшая ваенна-палітычная агульнавайсковая вучэльня.
Павел Якубовіч узяў яго ў «Советскую Белоруссію» яшчэ ў 2000 годзе. Спачатку Крат пісаў пра эканоміку, пасля пераключыўся на палітыку. І з цягам часу стаў галоўным суправаджаючым Лукашэнкі. У яго шмат узнагародаў за журналісцкую дзейнасць — ад урада, ад праўладнага Беларускага саюза журналістаў.
«А хто яшчэ вякне аб падтасоўцы і фальсіфікацыі, так Чарнамырдзін вельмі даходліва калісьці сказаў: ідзіце на х**», — адзначаў публіцыст у сваім фэйсбуку пасля чарговых выбараў у Беларусі.
Дзмітрый Крат запомніўся хамскімі выказваннямі на адрас журналістаў з недзяржаўных выданняў.
«За сітуацыяй вакол тутбая я назіраю не без некаторай злараднасці … Можа, яны [рэдактарка TUT.by Марына Золатава і аглядальніца БелаПАН Таццяна Каравянкова — Рэд.] цалкам сабе сімпатычныя дамы і вельмі прыемныя і зручныя ў побыце» — пісаў ён у фэйсбуку ў 2018-м.
У «Народнай газеце» ў 2020-м прыбралі з вокладкі радок «Жыве Беларусь!», бела-чырвоны лагатып памянялі на чырвона-зялёны.
«У свой час лагатып мяне трохі раздражняў — на чырвоным фоне белымі літарамі «Народная газета». Можа, у мяне гэта прафесійная дэфармацыя, тым не менш хацелася нечага, што б адлюстроўвала нашы палітычныя рэаліі, нашу сімволіку», — казаў Крат.
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары