Гарадзенцы прасілі ўсталяваць мемарыяльную дошку ў гонар Васіля Быкава. Вось што адказалі чыноўнікі
Усталяваць дошку прапаноўвалася на доме, дзе жыў народны пісьменнік, паведамляе Hrodno.life.
Аўтары петыцыі прапаноўвалі гарадскім уладам усталяваць мемарыяльную дошку на доме па вуліцы Вялікая Траецкая, 28, дзе жыў Васіль Быкаў.
Зварот на сайце e-petitions.by з'явіўся ў канцы кастрычніка, яго падпісалі 29 чалавек. У петыцыі адзначалася, што, дзякуючы мемарыяльнай шыльдзе, у горадзе з'явіцца важны культурны аб'ект. А яе адсутнасць перашкаджае належным чынам ушанаваць уклад Васіля Быкава ў беларускую і сусветную літаратуру.
Аднак праз месяц на петыцыю прыйшоў негатыўны адказ ад чыноўнікаў
У адказе гарвыканкама адзначаецца, што «каштарысныя паказчыкі па горадзе Гродна не прадугледжваюць фінансаванне расходаў на стварэнне аб'ектаў манументальнага мастацтва ў горадзе, у тым ліку мемарыяльнай або памятнай шыльды ў памяць Васіля Быкава».
Таксама чыноўнікі адзначылі, што дадатковых фінансавых крыніц няма, таму прадугледзець сродкі на ўстаноўку шыльды «не ўяўляецца магчымым».
Адказ на зварот гродзенцаў падпісала намеснік кіраўніка Гродзенскага гарвыканкама Зоя Кулеша. Яна раней адмовіла гараджанам ва ўстаноўцы помніка Васілю Быкаву. За яе подпісам таксама прыходзілі адказы аб зніклых з гарадскіх будынкаў таблічках, прысвечаных паўстанцам 1863 года і паўстанню Касцюшкі.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове1
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары