Міністр фінансаў Селіверстаў пра «Арэшнік» у Беларусі: Можа, Захад здыме санкцыі адразу
Беларускія міністры гавораць, што будуць радыя расійскім ракетам у Беларусі.
Аляксандр Лукашэнка сёння папрасіў ва Уладзіміра Пуціна размясціць у Беларусі ракеты «Арэшнік». Той пагадзіўся паставіць зброю ў другой палове 2025 года.
Гэтую навіну з радасцю ўспрыняў міністр замежных спраў Беларусі Максім Рыжанкоў: ён лічыць, што гэта аргумент у перамовах з Захадам.
Карэспандэнт расійскага канала Shot злавіў у кулуарах Рыжанкова і міністра фінансаў Беларусі Юрый Селіверстава. У першага ён спытаў, ці ўвядуць супраць Беларусі санкцыі праз «Арэшнік».
«Ужо столькі санкцый увялі, што ўжо не ведаю, на што санкцыі ўводзіць», — адказаў Рыжанкоў. І дадаў, што цяпер яму і ўсім у Беларусі будзе лягчэй весці перамовы з партнёрамі.
А Селіверстаў, які ішоў побач, і ўвогуле зрабіў смелую заяву.
«Можа, здымуць санкцыі адразу», — выказаў меркаванне міністр фінансаў.
Сёння Лукашэнка і Пуцін падпісалі пагадненне аб узаемных гарантыях бяспекі, якое ў тым ліку прадугледжвае абмен узбраеннямі. Па словах Пуціна, «Арэшнік», які збіраюцца размясціць у Беларусі, будзе заставацца ў падпарадкаванні Вайскова-касмічных сіл Расіі, але вызначаць цэлі для ракет нібыта будзе толькі Мінск.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1212
Каментары