Былая дырэктарка і рэдактарка інфармацыйнай кампаніі БелаПАН Ірына Леўшына паведаміла на сваёй старонцы ў фэйсбуку, што пасля вызвалення не збіраецца выязджаць з краіны.
Ірына Леўшына
«7 снежня я шчасліва пакінула ВК-4, адбыўшы за кратамі 3 гады 3 месяцы і 3 тыдні. Паколькі я маю намер заставацца ў Беларусі, усялякія каментары з майго боку, як вы разумееце, немагчымыя», — напісала Леўшына.
Па словах журналісткі, са здароўем і настроем у яе «ўсё ў парадку».
«Прывыкаю да свабоды, да шчасця быць побач з роднымі, да нармальнага жыцця. Дзякуй усім, хто хваляваўся за мяне ўвесь гэты час, я адчувала вашу падтрымку на адлегласці», — падкрэсліла яна.
Леўшына цалкам адбыла тэрмін зняволення. Яна была затрыманая 18 жніўня 2021 года.
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы10
Каментары