Свет11

У Албаніі на год цалкам забаранілі TikTok пасля забойства падлетка

Прэм'ер-міністр Албаніі Эдзі Рама лічыць, што сацыяльныя сеткі «бяруць дзяцей у закладнікі».

Улады Албаніі прынялі рашэнне пра поўную забарону TikTok на тэрыторыі краіны.

Забарона будзе дзейнічаць 12 месяцаў і ўступіць у сілу на пачатку 2025 года, піша Reuters.

«На працягу аднаго года мы цалкам яго закрыем для ўсіх. У Албаніі не будзе TikTok», — заявіў Рама на сустрэчы з бацькоўскімі камітэтамі.

Рама абвінаваціў сацыяльныя сеткі, у прыватнасці TikTok, у распальванні гвалту сярод моладзі як у школах, так і за іх межамі.

У лістападзе ў Албаніі адбылося рэзананснае забойства: 14-гадовага школьніка зарэзалі аднакласнікі. Мясцовыя СМІ паведамілі, што канфлікт паміж двума падлеткамі пачаўся з перапалкі ў сацыяльных сетках. У TikTok таксама з'явіліся відэа, дзе непаўналетнія выказвалі падтрымку забойству.

«Праблема сёння не ў нашых дзяцей, праблема сёння ў нас, праблема сёння ў нашым грамадстве, праблема сёння ў TikTok і ўсіх астатніх, хто бярэ нашых дзяцей у закладнікі», — заявіў Рама.

У TikTok заявілі, што імкнуцца да «тэрміновай яснасці» ад албанскага ўрада.

«Мы не знайшлі доказаў таго, што ў злачынцы або ахвяры былі акаўнты ў TikTok, і шматлікія справаздачы пацвердзілі, што відэа, звязаныя з гэтым інцыдэнтам, публікаваліся на іншай платформе, а не ў TikTok», — заявіў прадстаўнік кампаніі.

У апошні час некалькі еўрапейскіх краін, уключаючы Францыю, Германію і Беларусь, увялі абмежаванні на выкарыстанне сацыяльных сетак для дзяцей. А самы строгі закон быў прыняты ў Аўстраліі: у лістападзе парламент зацвердзіў поўную забарону на сацыяльныя сеткі для дзяцей да 16 гадоў.

Каментары1

  • Дзяржабная Школа
    22.12.2024
    Я пры чым, вінаваты тыкітокі
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму10

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Усе навіны →
Усе навіны

Каверын не будзе выказвацца пра сітуацыю Стрыжака. Каб не выкраслілі з прафесіі і яго28

У мінскім метро з’явілася новая схема ліній, многім пасажырам не падабаецца дызайн3

Былы гендырэктар Tut.by Аляксандр Чэкан — пра партал, Зісера, стартапы і прагноз па развіцці тэхналогій7

Ціханоўская пра справу Стрыжака: Тое, што зрабіў кіраўнік — не падстава разбураць фундамент10

У царкве-шэдэўры, што згарэла пад Жабінкай, да 2020 года служыў святар-палітвязень Разановіч1

Царква ў Сцяпанках згарэла цалкам ВІДЭА

У Польшчы скасоўваюць тэрміны разгляду заяў на міжнародную абарону1

Згарэў шэдэўр народнай архітэктуры Палесся — царква ў Сцяпанках. Яна засталася на фотах «Нашай Нівы»

Германія прыпыніла выдачу гуманітарных віз. Іх атрымлівалі і беларусы6

больш чытаных навін
больш лайканых навін

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму10

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Галоўнае
Усе навіны →

Заўвага:

 

 

 

 

Закрыць Паведаміць