У канцы снежня расійскі прапагандыст Тыгран Кеасаян перажыў клінічную смерць і ўпаў ў кому.
Яго жонка, таксама прапагандыстка Маргарыта Сіманьян сёння паведаміла, што Кеасаяну пакуль не стала лепей.
«На жаль, мне няма чаго паведаміць. Стан ранейшы. Наш любімы спіць, а мы з дзецьмі і абедзвюма нашымі мамамі чакаем», — напісала Сіманьян у сваім тэлеграм-канале.
Тыграну Кеасаяну 59 гадоў. З 2016 года ён вядзе на тэлеканале НТВ вячэрняе забаўляльнае сатырычнае шоу «Міжнародная піларама», праз якое праводзіць усе асноўныя расійскія прапагандысцкія наратывы.
28 лютага 2022 года, пасля ўварвання Расіі ва Украіну, Тыгран Кеасаян быў уключаны ў санкцыйныя спісы Еўрапейскага саюза за падтрымку палітыкі, якая падрывае тэрытарыяльную цэласнасць Украіны і пагражае яе незалежнасці і суверэнітэту. Паводле аргументацыі, у сваёй праграме Кеасаян «паслядоўна адлюстроўваў Украіну як слабую і карумпаваную краіну, якая трымалася толькі дзякуючы дапамозе Захаду… Ён меркаваў, што ўкраінскія ўлады нелегітымныя. Ён неаднаразова сцвярджаў, што Крым належыць Расіі і што Данбас не частка Украіны».
Пасля таго Тыграна Кеасаяна ўносілі ў санкцыйныя спісы многіх краін, у тым ліку і за падтрымку поўнамаштабнай вайны ва Украіне.
З Маргарытай Сіманьян Кеасаян афіцыйна пабраўся шлюбам у 2022 годзе, але фактычна яны жылі разам з 2012-га, маючы трох агульных дзяцей.
Вядома, што раней Кеасаян перанёс два інфаркты. Адбылося гэта ў 2008 і 2010 гадах.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца8
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары