Нерухомасць

Пад Навагрудкам прадаюць старажытную сядзібу XVIII стагоддзя. Вось за якую суму можна стаць магнатам

У вёсцы Шчорсы Навагрудскага раёна прадаюць старажытную сядзібу Храптовічаў. Дакладней, тую частку, што яшчэ ацалела. Аб'ява з'явілася на аўкцыённай пляцоўцы Беларускай універсальнай таварнай біржы, піша «Блізка». 

На старонцы аб'явы лот называецца «Будынак неўстаноўленага прызначэння». Пры гэтым у апісанні сказана так: «Двухпавярховы цагляны будынак з бутабетонным склепам, 1730 года пабудовы, сцены цагляныя абтынкаваныя, падмурак бутабетонны, бляшаны дах, пячны апал».

Насамрэч, будынак вельмі ўсталяванага прызначэння. Гэты будынак бібліятэкі — уцалелая частка сядзібы Храптовічаў. Сам сядзібны дом (палац) знішчаны практычна цалкам: ад яго засталіся толькі падвалы. А вось будынак бібліятэкі з балконам на чатырох калонах стаіць да гэтага часу.

Канцлер Вялікага Княства Літоўскага Іахім Храптовіч (1729-1812) сабраў багатую бібліятэку з архівам, усяго ў ёй было каля 6 тысяч тамоў і старажытныя рукапісы. Вядома, што ў гэтай бібліятэцы працавалі паэты Ян Чачот, Уладзіслаў Сыракомля, Адам Міцкевіч. У прыватнасці, лічыцца, што менавіта тут Міцкевіч распрацаваў сюжэт і пачаў работу над паэмай «Гражына».

Праўда, гісторыкі лічаць, што бібліятэка пабудавана не ў 1730 годзе, а бліжэй да канца XVIII стагоддзя.

Пачатковы кошт лота — 184 тысячы рублёў, першы крок таргоў складае 9200 рублёў. Такім чынам, мінімальная прадажная цана складзе 193200 рублёў, або прыкладна 56645 долараў па актуальным курсе Нацбанка.

Таргі адбудуцца 27 лютага ў 10.00. 

Каментары

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі12

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг3

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА32

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць