За малалюдны паўночны востраў разгараецца сапраўдная барацьба. У той час як Дональд Трамп працягвае настойваць на неабходнасці атрымаць Грэнландыю для ЗША, самы высокапастаўлены вайсковы чыноўнік Еўрасаюза прапанаваў размясціць там еўрапейскіх салдат — у тым ліку каб супрацьстаяць росту актыўнасці Расіі і Кітая ў Арктыцы, піша The Moscow Times.
«На мой погляд, было б абсалютна лагічна не толькі мець у Грэнландыі амерыканскія войскі, як гэта адбываецца цяпер, але і разгледзець магчымасць размяшчэння там салдат ЕС, — сказаў нямецкай газеце Welt am Sonntag Роберт Брыгер, старшыня Вайсковага камітэта ЕС (гэта вышэйшы вайсковы орган Еўрасаюза, які не мае ўласнай арміі; камітэт кансультуе Еўрапейскую раду). — Гэта стала б моцным сігналам і магло б спрыяць стабільнасці ў рэгіёне».
Грэнландыя з'яўляецца заморскай тэрыторыяй Даніі, але пры гэтым не ўваходзіць у склад Еўрасаюза. У еўрапейцаў, як і ў ЗША, якія маюць там вайсковую базу, таксама ёсць свае інтарэсы на востраве, сказаў Брыгер.
Ён згадаў ягонае стратэгічнае становішча і багатыя прыродныя рэсурсы. У спалучэнні з раставаннем ільдоў у выніку змены клімату гэтыя фактары «ствараюць пэўны патэнцыял для напружанасці ў адносінах з Расіяй і, магчыма, Кітаем».
Трамп прапаноўваў купіць Грэнландыю ў Даніі яшчэ падчас свайго першага прэзідэнцтва. У студзені ён адмовіўся выключыць выкарыстанне вайсковай ці эканамічнай сілы, каб атрымаць кантроль над ёй і Панамскім каналам. Таксама прэзідэнт ЗША прыгразіў Даніі пошлінамі «на вельмі высокім узроўні», калі яна не пагодзіцца супрацоўнічаць у пытанні перадачы Грэнландыі.
Найбуйнейшы востраў свету ў многіх адносінах стаў займаць цэнтральнае месца ў геапалітычнай і геаэканамічнай канкурэнцыі, у тым ліку праз змену клімату, адзначае прафесар Джэф Дабелка, які займаецца пытаннямі экалогіі і бяспекі ў Універсітэце штата Агая. Запасы рэдказямельных металаў у Грэнландыі Геалагічная служба ЗША ацэньвае ў 1,5 млн тон; у саміх Злучаных Штатах іх толькі крыху больш — 1,8 млн тон.
У суботу Трамп заявіў журналістам, што, на ягоную думку, Вашынгтон усё ж такі атрымае кантроль над Грэнландыяй. «Я думаю, мы яе атрымаем«, — сказаў ён, дадаўшы, што 57 000 жыхароў вострава «хочуць быць з намі».
На самім востраве з ім згодныя далёка не ўсе. Грэнландцы «не хочуць быць амерыканцамі», заявіў Мутэ Эгедэ, прэм'ер-міністр вострава, які, будучы аўтаномнай тэрыторыяй Даніі, праводзіць самастойную ўнутраную палітыку. Раней Эгедэ казаў, што ягоныя жыхары хочуць здабыць поўную незалежнасць.
Прэм'ер-міністр Даніі Метэ Фрэдэрыксэн таксама заяўляла, што «Грэнландыя не прадаецца і не будзе прадавацца».
Лукашэнка выказаўся пра заявы Трампа аб Грэнландыі і Канадзе
За прэтэнзіямі Трампа на Панаму, Канаду і Грэнландыю можа хавацца тонкі перамоўны разлік
Чаму Трамп загаварыў пра Грэнландыю?
Трамп пераймяноўвае Мексіканскі заліў, цвёрда намераны вярнуць Панамскі канал і «разумее пачуцці Расіі»
Данія ўзмацняе абарону Грэнландыі. Трамп нядаўна зноў загаварыў пра жаданне набыць яе
Цяпер чытаюць
Крутога айцішніка, які вярнуўся з Польшчы, кінулі за краты за фінансаванне «экстрэмізму»19
Каментары
То есть, ультиматумы к NATO появились не просто так, это был давно подготовленный и выверенный шаг, часть больших планов, созревших и готовых, как и нападение на Украину... Момент был рассчитан и выбран правильный.
Становится понятно, на сколько сильно Украина испортила игру Кремлю, спутала все карты, раскрыла все козыри Путина, и какие огромные ставки были сделаны кремлёвскими реваншистами.
И, что важно, в Кремле никто не отказывается от поставленных целей, а на Западе никто не обеспокоен всерьёз, как минимум, там нет понимания опасности, нет слаженности, нет планирования совместных действий в ответ, не определены приоритеты. Там продолжается погружение в хаос, потеря контроля над ситуацией, непонимание реальности, чёрт-те что...