Прэс‑служба Міністэрства замежных справаў распаўсюдзіла каментар адносна прынятай учора рэзалюцыі Еўрапарламента па сітуацыі ў Беларусі.
Прэс‑служба Міністэрства замежных справаў распаўсюдзіла каментар адносна прынятай учора рэзалюцыі Еўрапарламента па сітуацыі ў Беларусі.
«Рэзалюцыя Еўрапарламента ў дачыненні да Беларусі аднабаковая, тэндэнцыйная і недальнабачная», — заяўляюць у МЗС.
«Калі Еўрапарламент хацеў ўнесці канструктыўны ўклад у пошук шляхоў вырашэння рознагалоссяў, што ўзніклі паміж суседзямі, то выбраныя ім сродкі відавочна няўдалыя ні па змесце, ні па часе.
Па‑першае, рэзалюцыя не мае нічога агульнага з рэальнай карцінай ў галіне становішча нацыянальных меншасцяў у Беларусі. Гэта пацвердзяць і беларускія грамадзяне, у тым ліку якія маюць польскія карані. Гэта відавочна і любому неангажаванаму замежнаму назіральніку.
Па‑другое, прыняцце рэзалюцыі адбываецца ў момант актывізацыі дыялогу паміж Беларуссю і Польшчай па асобных адчувальных пытаннях беларуска‑польскіх адносін. Што гэта: «мядзведжая паслуга» ці спроба сарваць гэты дыялог тымі сіламі, якія ў ім, падобна, не зацікаўлены?
Па‑трэцяе, дзейнічаючы падобнымі метадамі на тонкім лёдзе міжнацыянальных адносін, Еўрапарламент рызыкуе адкрыць «скрыню Пандоры» з непрадказальнымі наступствамі як унутры, так і за межамі Еўрапейскага саюза.
На будучыню, хацелася б, каб такая вялікая арганізацыя як Еўрапарламент займала больш узважаную і адказную пазіцыю, тым больш у сферы нацменшасцяў, і не паддаваліся на дробныя інтрыгі асобных памочнікаў ад палітыкі», — гаворыцца ў каментары МЗС.
У рэзалюцыі Еўрапарламента гаворыцца, што далейшыя парушэнні правоў чалавека могуць прывесці да спынення палітыкі дыялогу Еўрасаюзу з Беларуссю. Еўрапарламент заклікаў беларускія ўлады зарэгістраваць Саюз палякаў Беларусі на чале з Анжалікай Борыс і перадаць арганізацыі яе ўласнасць.
Апрача таго ў рэзалюцыі выказваецца патрабаванне вызваліць з турмаў палітычных актывістаў Андрэя Бандарэнку, Івана Міхайлава і Арцёма Дубскага, зарэгістраваць праваабарончы цэнтр «Вясна» і партыю БХД, якім шмат разоў было адмоўлена ў легалізацыі.
Чаго чакае Польшча ад Мінска і ці закрые зноў мяжу на гэтым тыдні?26
Каментары