У Кітаі будуецца самы вялікі камандны штаб у свеце для патэнцыйнай ядзернай вайны
Новы будынак будзе ў 10 разоў большы за амерыканскі Пентагон і будзе змяшчаць супербункер для кіраўніцтва Кампартыі Кітая, паведамляюць спецслужбы ЗША са спасылкай на разведданыя і спадарожнікавыя здымкі.
Новы аб'ект кітайскія вайскоўцы будуюць за 30 кіламетраў на паўднёвы захад ад Пекіна, на плошчы каля 607 гектараў.
Нягледзячы на тое, што афіцыйных пацверджанняў будаўніцтва з кітайскага боку няма, выданне Financial Times са спасылкай на дзеючых і былых амерыканскіх чыноўнікаў паведамляе, што гэты мегапраект ужо атрымаў умоўную назву Beijing Military City («Пекінскі вайсковы горад»).
Спадарожнікавыя здымкі паказваюць, што актыўнае будаўніцтва комплексу пачалося з сярэдзіны 2024 года. Амерыканскія аналітыкі выявілі на здымках не толькі сотню будаўнічых кранаў, але і глыбокія катлаваны, дзе, верагодна, будзе змяшчацца вельмі ўмацаваная падземная інфраструктура.
Паводле ЦРУ і іншых службаў, новы кітайскі комплекс можа стаць «самым вялікім у свеце камандным цэнтрам на выпадак вайны» — месца, адкуль кіраўнікі Кітая (у тым ліку старшыня Кампартыі Сі Цзіньпін) змогуць бяспечна для сябе кіраваць баявымі дзеяннямі, нават калі гаворка будзе ісці пра ядзерны канфлікт.
«Калі нашы разведданыя пацвердзяцца, то мы бачым не проста планавае ўзмацненне звычайных кітайскіх узброеных сілаў, а самую сапраўдную падрыхтоўку да ядзернай вайны», — кажа былы кіраўнік аддзела аналізу дзеянняў Кітая ў ЦРУ Дэніс Уайлдар, словы якога перадае Financial Times.
Іншыя эксперты мяркуюць, што падземная інфраструктура комплексу будуецца такім чынам, каб вытрымаць удары супрацьбункерных бомб. Але больш за ўсё аналітыкаў уражвае спешка, з якой кітайскія ўлады будуюць новы штаб. На іх думку, маштаб праекта і паскораныя тэмпы будаўніцтва могуць сведчыць пра высокую верагоднасць хуткага кітайскага ўварвання ў Тайвань.
Цяпер чытаюць
«Самага прывабнага саджаеш наперад, і ўсё без палева». Як і за колькі перавозяць у Еўропу нелегальных мігрантаў з беларускай мяжы4
Каментары
но во время его дурковатого первого срока та же кацапия спокойно готовилась к вторжению.китаезы делают тоже самое.