Лукашэнка заявіў пра ўзмацненне паўнамоцтваў мясцовай улады ў дачыненні да прыватнага сектара
Аляксандр Лукашэнка настойвае на ўзмацненні паўнамоцтваў мясцовай улады ў дачыненні да прыватнага сектара. Адпаведную заяву ён зрабіў 6 лютага на нарадзе па пытаннях удасканалення прававога рэгулявання статусу старшыні выканкама базавага ўзроўню, піша БелТА.
«Я ставіў пытанне, якое было вельмі неадназначна ўспрынята некаторымі катэгорыямі грамадзян, — аб адказнасці старшыняў выканкамаў базавага ўзроўню за кіраванне па ўсіх напрамках, у тым ліку і прыватным сектарам. А то ў нас атрымліваецца, што прыватнік — гэта наогул не дзяржава, гэта дзяржава ў дзяржаве.
А ў той жа час мы на прыватніка вельмі разлічваем, і іх ролю, асабліва ў вытворчасці, таксама будзе павышана. Ну так старшыня райвыканкама павінен па асноўным сваім функцыянале кіраваць, патрабаваць і несці адказнасць аднолькава як за прыватны, так і за дзяржаўны сектар. І гэта тычыцца перш за ўсё кадраў», — заявіў Лукашэнка.
«Гэта жорсткае маё патрабаванне. Ад гэтага ніхто не павінен сыходзіць, разважаючы і ляпаючы языком пра нейкі лібералізм. У нас сёй-той яшчэ не наеўся гэтага лібералізму», — заўважыў Аляксандр Лукашэнка.
Ён нагадаў, што ідзе Год добраўпарадкавання і пяцігодка якасці. Асноўная нагрузка пры рэалізацыі пастаўленых задач кладзецца на рэгіёны і іх кіраўнікоў.
«І што, старшыня райвыканкама будзе хадзіць кланяцца да кіраўнікоў прыватнага сектара, каб яны, да прыкладу, гэтыя задачы вырашалі? Рашэнні выканаўчага камітэта і старшыні выканкама павінны быць канчатковымі і абмеркаванню не падлягаць. У плане функцыяналу, які кладзецца на іх», — зазначыў Лукашэнка.
Цяпер чытаюць
Кіраўнік Ліды заклікаў сілавікоў не спыняць палітычных рэпрэсій28
Каментары
Л-І-Т-А-Р-А-Л-Ь-Н-А
«Всё в рамках государства, ничего вне государства, ничего против государства»
Просто поражаешься, насколько последовательно проводит Лукашенко свою мечту - сделать абсолютно всех государевыми людьми и крепостными холопами.
В его идеальной модели государство - это такой механизм, за оболочку которого без его ведома никто не вылазит, и все степени свободы контролируются его верховной властью.