Уплывовы зяць прэзыдэнта Казахстана Нурсултана Назарбаева заклікае да ўвядзеньня ў краіне манархіі
Уплывовы зяць прэзыдэнта Казахстана Нурсултана Назарбаева заклікае да ўвядзеньня ў краіне манархіі
Назарбаеў, які абвінавачваецца канкурэнтамі ў нэпатызме, кіруе Казахстанам з 1989 г. Перад уступленьнем у 1991 г. на пасаду прэзыдэнта ў часы СССР ён быў лідэрам мясцовай камуністычнай партыі.
"Лягічна, што манарх у стане гарантаваць сапраўдную стабільнасьць краіны на працягу доўгага часу; прэзыдэнты такой раскошы ня маюць" – напісаў у штотыднёвіку «Караван» Рахат Аліеў, муж старэйшай дачкі Назарбаева.
"Гэта ўмова, без выкананьня якой немагчыма разьвіваць сапраўдную дэмакратыю, а не дэмакратыю напаказ» – заявіў Аліеў, які выконвае функцыі намесьніка міністра замежных спраў. Ён дадаў, што выказваецца за брытанскую мадэль манархіі.
Назарбаеў, у якога тры дачкі, у сьнежні выйграў прэзыдэнцкія выбары і распачаў такім чынам чарговы сямігадовы тэрмін. Замежныя назіральнікі прызналі выбары зманіпуляванымі. Згодна з канстытуцыяй, па сканчэньні цяперашняга тэрміну Назарбаеў павінен сысьці. Невядома, хто б мог стаць наступным.
Вольга Данішэвіч паводле gazeta.pl
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары