У Наваполацку мужчыну судзілі за незаконнае правядзенне «Мазгабойні»
Жыхар Наваполацка ў адной з кавярняў горада рэгулярна праводзіў квіз-гульню «Мазгабойня». За ўдзел у ёй трэба было заплаціць 10 рублёў, але чэк пры гэтым не выдавалі. Урэшце гэтым зацікавілася падатковая інспекцыя, паведамляе прэс-служба Эканамічнага суда Віцебскай вобласці.
Мужчына ў выніку сваёй дзейнасці зарабіў 1440 рублёў, але займацца такой прадпрымальніцкай дзейнасцю можна толькі пасля рэгістрацыі суб'екта гаспадарання.
На судовым пасяджэнні мужчына прызнаў віну і растлумачыў, што да кастрычніка 2024 года быў на ўліку ў падатковай як самазаняты, а пакуль праводзіў гульні, займаўся дакументамі па рэгістрацыі юрыдычнай асобы. За 6 дзён да суда ён якраз яе зарэгістраваў.
Суд прыйшоў да высновы, што ў дзеяннях мужчыны ёсць прыкметы незаконнай прадпрымальніцкай дзейнасці. Яму далі штраф 2 базавыя велічыні (84 рублі) без канфіскацыі даходу.
Цяпер чытаюць
Рэпрэсіі разганяюцца ці запавольваюцца? Давайце лічыць9
Каментары