Карміў жырафаў і праяўляў цікаўнасць да змей і кракадзілаў.
20—23 лютага прэм’ер-міністр Беларусі здзейсніў візіты ва Уганду і Катар. У афрыканскай краіне Раман Галоўчанка меў нязвыклы для беларускіх чыноўнікаў адпачынак, заўважыла выданне «Салідарнасць».
Ва Угандзе Галоўчанку прыняў 80-гадовы прэзідэнт Ёверы Кагута Мусевені, які кіруе гэтай беднай афрыканскай краінай аж з 1986 года.
Беларускі прэм’ер развеяўся ў Адукацыйным цэнтры захавання дзікай прыроды Уганды (UWEC), які таксама вядомы як заапарк Энтэбэ.
Паводле мясцовых СМІ, Галоўчанка паглядзеў на сланоў, тыграў, львоў, насарогаў, шымпанзэ і жырафаў. Таксама паведамляецца, што падчас паездкі прэм’ер-міністр Беларусі «праявіў цікавасць да рэптылій, у тым ліку змей і кракадзілаў, якіх не было ў яго першапачатковым маршруце».
Пасля Уганды Галоўчанка адправіўся ў Катар, дзе сустрэўся з членамі кіруючай сям’і Катара і прадстаўнікамі мясцовага бізнесу.
-
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
-
МЗС Літвы не будзе разглядаць прапанову мясцовага дэпутата аб ануляванні акрэдытацыі офіса Ціханоўскай
-
Жанчыну-пульманолага з 30-гадовым стажам адправілі ў калонію па трох палітычных артыкулах
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары