Расія і ЗША наўрад ці пачнуць перамовы па ўрэгуляванні вайны ва Украіне да таго, як адновяць паўнавартасную працу дыпламатычных прадстаўніцтваў на тэрыторыі адзін аднаго. Пра гэта паведаміў прэс-сакратар расійскага прэзідэнта Дзмітрый Пяскоў, перадае РІА «Навіны».
У Эр-Рыядзе 18 лютага адбыліся першыя з пачатку вайны ва Украіне перамовы паміж дэлегацыямі Расіі і ЗША, якія працягваліся чатыры з паловай гадзіны. Падчас сустрэчы бакі абмеркавалі шырокі спектр пытанняў, у тым ліку нармалізацыю двухбаковых адносін і аднаўленне працы пасольстваў у Маскве і Вашынгтоне, піша РБК.
27 лютага ў Стамбуле адбылася другая сустрэча дэлегацый Расіі і ЗША, якая доўжылася шэсць з паловай гадзін. Міністр замежных спраў Расіі Сяргей Лаўроў называў яе асноўнай тэмай працу пасольстваў. Як удакладняла афіцыйная прадстаўніца ведамства Марыя Захарава, перамовы праходзілі «на экспертным узроўні».
На сустрэчах дэлегацыі вызначылі першыя крокі да стабілізацыі працы дыпмісій, паведамілі ў Дзярждэпартаменце ЗША. «Злучаныя Штаты выказалі заклапочанасць з нагоды доступу да банкаўскіх паслуг і кантрактных сэрвісаў, а таксама неабходнасць забяспечыць стабільны і ўстойлівы кадравы склад пасольства ЗША ў Маскве», — заявілі ў ведамстве.
Юрый Ушакоў ацаніў сустрэчу як «нядрэнную», адзначыўшы, што бакі правялі «вельмі сур’ёзную размову па ўсіх пытаннях». Дзяржсакратар ЗША Марка Рубіа заявіў, што мэтай сустрэчы ў Эр-Рыядзе было «вызначыць, ці ёсць рэальная зацікаўленасць у абмеркаванні міру ці не».
-
Paramount, узначалены блізкім да Трампа мільярдэрам, уступіў у барацьбу з Netflix за Warner Bros
-
М’янма выйшла ў сусветныя лідары па вытворчасці метамфетаміну і опіуму
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
Цяпер чытаюць
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі15
Міністр унутраных спраў Літвы абураны перавозчыкамі: Пасля паездкі ў Беларусь яны вяртаюцца з прамытымі мазгамі
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2222
Каментары