Гандляры і абсмажвальнікі кавы паведамілі, што скарацілі свае закупкі сыравіны да мінімальнага ўзроўню, паколькі галіна перажывае рэзкі скачок цэнаў, піша Reuters. Сусветны гандаль спыніўся.
Удзельнікі штогадовай канферэнцыі Нацыянальнай кававай асацыяцыі заявілі, што шакаваныя 70-працэнтым ростам цэн ф'ючарсаў на каву тыпу арабіка, якая з'яўляецца эталонам для здзелак па ўсім свеце.
Рост цэн на каву быў выкліканы зніжэннем вытворчасці ў важных рэгіёнах, дзе яна вырошчваецца, асабліва ў Бразіліі, што прывяло да зніжэння даступнасці зерня.
«Звычайна да гэтага часу ў нас ужо ўсё распрададзена, але пакуль мы рэалізавалі менш за 30% прадукцыі. Значнае павышэнне цэн з'ядае грашовы паток кліентаў, у іх не хапае грошай на куплю таго, што ім трэба», — сказаў Рэнан Шуэйры, генеральны дырэктар ELCAFE C.A. у Эквадоры.
Трэйдар сыравіны Луі Дрэйфус заявіў падчас канферэнцыі, што ў адказ на павелічэнне цэнаў вытворцы пашыраюць плантацыі, дзе вырошчваюць каву.
Плантацыі павялічылі ў Індыі, Угандзе, Эфіопіі і Бразіліі. Лічыцца, што калі Бразіліі ўдасца сабраць хоць бы адзін буйны ўраджай, то гэта, у спалучэнні з новымі пасяўнымі плошчамі, можа прывесці да падзення цэн.
Цяпер чытаюць
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1919
Каментары