У некаторых мінскіх крамах з'явілася кітайская гарэлка, кошт якой проста зашкальвае. За паўлітровую бутэльку трэба заплаціць больш за тысячу рублёў, піша Tochka.by.
Цана за бутэльку кітайскай гарэлкі (паўлітра) — 1257,60 рубля. Моц напою — 53%.
Гэту гарэлку робяць з мясцовай кітайскай пшаніцы і сорга — травяністай расліны сямейства злакавых. Асаблівая фішка — вада з горнай ракі. Сцвярджаецца, што рэцэпт гарэлкі не мяняўся на працягу 2000 гадоў.
Сакрэт таксама ў адмысловым тэмпературным рэжыме, вільготным клімаце і глебе.
Працэс вырабу гарэлкі працяглы. Першы этап расцягваецца на восем-дзевяць месяцаў. У гэты перыяд у катлы двойчы засыпаюць збожжа, якое бродзіць на працягу месяца. Затым ідзе працэс дыстыляцыі. Так паўтараецца восем разоў.
Атрыманы напой мінімум на тры гады змяшчаюць у склеп. Пасля чаго зноў шматразовае закісанне, перагонка і працяглая вытрымка. Перш чым атрымаецца тое, што прыдумалі старажытныя кітайцы, павінна прайсці пяць, а то і шэсць гадоў.
За межы Кітая напой трапіў у 1915 годзе, калі яго прывезлі на сусветны кірмаш у Панаму.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае6
Каментары