У Беларусі новы спосаб махлярства — тэлефануюць нібыта з паліклінікі
Невядомыя прапануюць пацвердзіць запіс на прыём, а потым праганяюць ахвяру па стандартнай схеме.
Махляры ў Беларусі ўзялі на ўзбраенне новы метад ашуканства. Людзі распавядаюць у сацсетках, што ім тэлефануюць быццам бы з паліклінікі. Невядомы прадстаўляецца работнікам рэгістратуры і прапануе запісацца на планавую дыспансерызацыю.
Для запісу «работнік паліклінікі» просіць надыктаваць ідэнтыфікацыйны нумар з пашпарта. Пасля гэтага на вайбер нібыта павінна прыйсці пацверджанне запісу.
Аднак замест гэтага ахвяры паступае яшчэ адзін званок, ужо нібыта ад сілавіка. Звонячы кажа чалавеку, што ён перадаў асабістыя даныя махлярам, і на яго імя цяпер возьмуць пазыкі. Далей — звыклая схема: ахвяры даручаюць пайсці ў банк, узяць пазыкі самастойна і перавесці грошы на нібыта бяспечны рахунак.
Важна памятаць, што рэальныя супрацоўнікі паліклінікі наўрад ці будуць прасіць пашпартныя дадзеныя па тэлефоне.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця27
Каментары