Халезін: Жыццё пасля смерці існуе, мы ўсе жывём у грыбной матрыцы
Вядомы беларускі драматург, сузаснавальнік і арт-дырэктар Беларускага свабоднага тэатра Мікалай Халезін у сваім кулінарным шоу падзяліўся «закрытай інфармацыяй» аб тым, куды людзі трапляюць пасля смерці.
Драматург расказаў, што пасля смерці, дзе б мы ні апынуліся, у зямлі ці на зямлі, з намі «пачынаюць працаваць грыбы». Яны прарастаюць праз нас, перапрацоўваюць нас у іншую субстанцыю і гэтак далей. Так, на думку Халезіна, мы працягваем існаваць.
«Мы працягваем змяняць гэты свет, таму што мы на яго ўплываем. Можа быць, нават больш, чым цяпер, у нашым жыцці. А потым мы становімся часткай гэтай усюдыіснай, усёпранікальнай грыбной матрыцы, якая ў нас па ўсёй планеце.
І не толькі па ўсёй планеце, яна ж таксама трапіла сюды з космасу. У выніку гэта і ёсць наша вечнае жыццё. Мы жывём у гэтай грыбной матрыцы і нічога з гэтым зрабіць не можам, мы не можам з яе выскачыць, не можам з яе збегчы», — сказаў ён.
Халезін зазначыў, што рэлігіі, якія сцвярджаюць пра жыццё пасля смерці, маюць рацыю. На яго думку, пытанне толькі ў тым, дзе, як і «чаму гэта грыб, а не дзед з барадой?».
Тое, што жыццё пасля смерці існуе — «закрытая інфармацыя». Драматург упэўнены, што людзі будуць на сенсацыю рэагаваць — «капіпасціць, дасылаць сябрам».
Мікалай Халезін — сузаснавальнік і арт-дырэктар Беларускага свабоднага тэатра. Ён быў заснаваны ў 2005 годзе ў Мінску, але цяпер у краіне не працуе праз палітычную цэнзуру.
-
«Ціханоўскі сваёй жывёльнай харызмай можа зацямніць шмат каго з лідараў». Шрайбман пра вяртанне Ціханоўскага
-
Святлана і Сяргей Ціханоўскія адпраўляюцца ў першы сумесны афіцыйны візіт — у Польшчу
-
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу7
Каментары