У Мінску асудзілі супрацоўніка хоспіса, які афармляў мікрапазыкі на пацыентаў
Яго прыгаварылі да 2,5 год хіміі па артыкуле аб крадзяжы маёмасці шляхам мадыфікацыі камп'ютарнай інфармацыі (частка 1 арт. 212 КК), паведамляе «Мінск-Навіны».
39-гадовы мужчына раней адбываў пакаранне за забойства. У чэрвені 2020 года ён вызваліўся з калоніі, уладаваўся ў хоспіс і пачаў даглядаць за пацыентамі.
Пазней ён даведаўся, што мікрапазыкі можна афармляць праз нумар тэлефона і пачаў выкарыстоўваць для гэтага мабільнікі пастаяльцаў хоспіса. Калі ў іх прыладах не было інтэрнэту, то мужчына ўстаўляў іх SIM-карты ў свой тэлефон.
Так ён атрымаў мікрапазыкаў на 4 100 рублёў ад сямі пацыентаў. Іншыя падрабязнасці справы невядомыя.
Супраць мужчыны распачалі крымінальную справу аб крадзяжы маёмасці шляхам мадыфікацыі камп'ютарнай інфармацыі (частка 1 арт. 212 КК). Суд Фрунзенскага раёна Мінска прыгаварыў яго да 2,5 год хіміі.
Цяпер чытаюць
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь9
«Пасля Новага года можам апынуцца на вуліцы». Наведаліся ў шэлтар, які дае дах над галавой палітвязням, вымушаным пакінуць Беларусь
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7777
Каментары