«Як я цябе магла адпусціць у гэты жахлівы бой?» Ала Пугачова выпусціла дзве песні пра вайну
1 красавіка Ала Пугачова прадставіла дзве новыя песні, прысвечаныя вайне. Яны апублікаваныя на афіцыйным YouTube-канале спявачкі, заўважыла «Медуза».
Першая песня называецца «Мама». Аўтарам музыкі пазначаны кампазітар Андрэй Місін, словы напісала сама Пугачова. Кампазіцыя ўяўляе сабой дыялог маці і сына, які загінуў на вайне.
Там ёсць такія словы: «Мам, для тебя я живой. Слышишь, мам, буду всегда я с тобой. Я проклинаю тот бой, мам, что разлучил нас с тобой» и «Как я могла отпустить тебя, сын, как могла, в этот ужаснейший бой. Отпустила тебя, бесы попутали. Сердце вдруг стало невмочь, а ты снишься, снишься мне каждую ночь».
Другая песня называецца «Пацалункi вайны». Музыку напісаў Андрэй Місін, словы — Андрэй Ардынец.
«Фантанка» пісала, што кампазіцыя «Пацалункі вайны» створаная па матывах прарыву савецкіх салдатаў падчас Свірска-Петразаводскай аперацыі, якая адбылася летам 1944 года.
Ала Пугачова ніяк не пракаментавала выхад новых песень у сваім інстаграме.
Пугачова з’ехала з Расіі незадоўга пасля таго, як яе мужа Максіма Галкіна, які адкрыта выступае супраць расійскага ўварвання ва Украіну, улады абвясцілі «замежным агентам». Спявачка выступіла ў падтрымку мужа, папрасіўшы залічыць і яе ў «шэрагі замежных агентаў сваёй любімай краіны». Яна назвала Галкіна «сапраўдным патрыётам Расіі», які жадае сваёй краіне «мірнага жыцця, свабоды слова» і спынення гібелі людзей «дзеля ілюзорных мэтаў».
-
У лідара гурта a-ha Мортэна Харкета дыягнаставалі хваробу Паркінсана
-
Ганна Бонд крытыкуе, дэпутатка Мірончык-Іванова спявае пра «крошку»: у Мінску з аншлагам прайшоў канцэрт «Руки вверх»
-
Каб зняць прапагандысцкі кліп, прыдворны кампазітар Алейнік выцягнуў літаральна з-пад кропельніцы 86-гадовую бабулю
Каментары
А калі узгадаць старэйшага брата Галкіна к якому звалілі ??Ён валодае вырабніцтвам зброі у рф гандлюе