Красавіцкі снег засыпаў клубнічныя плантацыі на Палессі. Ці паўплывае гэта на ўраджай?
Красавіцкі снег накрыў не толькі вуліцы і дарогі, але і прыватныя клубнічныя плантацыі. У сацсетках баяцца, што пасля гэтага клубніц не будзе і цэны на ягады ўзляцяць да нябёсаў. Ці так гэта, разбіралася BG.Media.
Незвычайнае красавіцкае відэа з заснежанай клубнічнай плантацыяй у Лунінецкім раёне ўскалыхнула карыстальнікаў тыктоку.
З моманту публікацыі ролік набраў амаль 13 000 праглядаў і больш за 2000 каментароў.
Людзі запанікавалі: няўжо любімая летняя ягада ў гэтым годзе стане раскошай?
У каментарах да роліка пачалі гучаць трывожныя прагнозы: «Будзе па 60 рублёў за кіло», «Я ўчора па 16 браў, сёння ўжо 33!» — дзяліліся ўражаннямі карыстальнікі.
Асцярогі і факты
Многія каментатары пісалі, што ўраджаю клубніц сёлета можна не чакаць, аднак аграрыі і вопытныя садоўнікі паспяшаліся супакоіць народ: снег — гэта не бяда.
«Гэта нават добра, што снег. Ён хавае расліны і абараняе ад марозу», — пішуць у каментарах.
«Галоўнае, што не ўдарыў моцны мінус, клубніцы яшчэ не зацвілі», — дадаюць іншыя.
Цана пад пытаннем
Тым не менш, чуткі пра падаражанне ўжо спарадзілі сапраўдны ажыятаж. Некаторыя ўпэўненыя, што праз капрызы надвор'я ўраджай будзе меншы — а значыць, і цана вышэйшая. У ход ідуць эмацыйныя прагнозы.
«Зноў будзе як з цюльпанамі — выкінуць, але не прададуць танней»;
«Каму патрэбныя клубніцы па цане золата?»
Іншыя — ставяцца да сітуацыі з іроніяй:
«Ну не будзе іх — і што? Галоўнае, каб бульба ўрадзіла»;
«Не панікуем, гэта не землятрус».
Дык чаго чакаць?
Рабіць высновы пакуль рана. Усё залежыць ад надвор'я ў найбліжэйшыя тыдні. Калі не будзе рэзкіх замаразкаў, ураджай можа быць цалкам стандартным. Але калі капрызы прыроды працягнуцца, дэфіцыт клубніц сапраўды магчымы — а значыць, і рост цэнаў.
Беларусам застаецца спадзявацца на спрыяльную вясну і рыхтавацца да сезона: магчыма, клубніцы сёлета стануць не проста ласункам, а прадметам абмеркаванняў і разлікаў. Зрэшты, гэта далёка не першы раз, калі надвор'е дыктуе цэны на прылаўках у Беларусі.
У Клічаве сёння ноччу было мінус 10°С
Чакаеце цяпла? Наступны тыдзень не парадуе
У Магілёве нападала 25 см снегу. Гэта больш, чым за ўсю мінулую зіму
Мяцеліца і моцны вецер. У краіне абвясцілі аранжавы ўзровень небяспекі
З-за моцнага снегападу ў Мінску спынілі матч чэмпіянату Беларусі па футболе
Мінск замятае снегам ФОТЫ
Цяпер чытаюць
«Напісалі, як я хачу вярнуцца ў святую Расію». Прапаганда перакруціла жарт беларускі і прыдумала фэйк пра загніваючую Амерыку1
Каментары
а погода говорит - не надо.