Кандыдатамі ў дэпутаты зарэгістраваныя 240 прадстаўнікоў апазіцыйных партый
Паводле сакратара Цэнтрвыбаркама Мікалая Лазавіка, зарэгістравана 99 прадстаўнікоў Беларускай партыі левых «Справядлівы свет» са 126 вылучаных, 77 — Аб’яднанай грамадзянскай партыі (94), 33 — Партыі БНФ (35), 29 — Беларускай сацыял‑дэмакратычнай партыі (Грамада) (32), два — Беларускай сацыял‑дэмакратычнай Грамады з двух вылучаных.
Акрамя таго, кандыдатамі ў дэпутаты зарэгістравана 199 прадстаўнікоў Камуністычнай партыі Беларусі, 48 — Ліберальна‑дэмакратычнай партыі, 15 — Рэспубліканскай партыі працы і справядлівасці, сем — Беларускай аграрнай партыі, два — Беларускай сацыяльна‑спартыўнай партыі, па адным — Рэспубліканскай партыі і Беларускай патрыятычнай партыі.
Усяго зарэгістравана 513 партыйных кандыдатаў у дэпутаты.
Лазавік паведаміў, што сёлета кандыдатамі ў дэпутаты зарэгістравана ў тры разы больш прадстаўнікоў палітычных партый у параўнанні з папярэднімі выбарамі ў мясцовыя саветы.
«Акрамя таго, калі на мінулых выбарах кандыдаты ў дэпутаты прадстаўлялі сем палітычных партый, то сёлета — 12», — сказаў ён.
Лазавік таксама адзначыў, што працэнт адсеву партыйных прэтэндэнтаў »быў вельмі нізкі».
Каментары