«Па калена ў гноі і заробак 200 рублёў». Жывёлавод з-пад Салігорска паказаў сваю ферму ва ўсёй красе
Работнік фермы выклаў у тыктоку некалькі відэа пра бруд і галечу ў гаспадарцы. Пасля гэтага яго абвінавацілі ў помсце кіраўніцтву, а сацсетка выбухнула ад каментароў, піша BGmedia.
Пачалося з таго, што жывёлавод сельгаспрадпрыемства «Добрыца» з Салігоршчыны паказаў у тыктоку свой разліковы ліст. За 188 гадзін працы на ферме мужчына атрымаў 237 рублёў, пры гэтым прадпрыемства ўтрымала 345 рублёў за падзеж цялят. Хоць, па словах работніка, да гібелі жывёл ён не меў ніякага дачынення. І ўвогуле працуе на прадпрыемстве вартаўніком, хоць афіцыйна яго запісалі «жывёлаводам» — нібыта толькі фармальна.
«У іх мруць цяляты, таму што іх чымсьці труцяць, а спісваюць на рабочых», — кажа мужчына ў відэа.
У адказ на абураныя каментары і рэакцыю начальства ён зняў яшчэ некалькі відэа — пра кароў і цялят, якія ходзяць па калена ў гноі і ядуць «нешта чорнае».
«Не зразумела, што ядуць гэтыя цяляты, але нешта чорнае яны жэрці не хочуць. Гэта што наогул такое? І ад мяне хочуць, каб яны вагу набіралі?» — напісаў аўтар.
Пад ролікамі пачалася сапраўдная бура. Пад відэа пасыпаліся сотні каментароў
«Добрыца — па калена ў гаўне ляжаць! Жах!», — піша адзін каментатар.
ОАО ,, Добрица"телята все в говне
Іншы дадае:
«Ніхто не любіць чысціць гной! Патрэбна механізацыя, аўтаматыка. А то канца гэтаму не будзе».
«Не любяць прыбіраць гной. Людзі не павінны працаваць па 12 гадзін на ферме за грашы. Павінен быць васьмігадзінны дзень, шэсць выхадных і нармальная аплата. Людзі стамляюцца, матывацыі няма, а заробкі смешныя — на іх ні вяселле, ні пахаванне не зробіш», — выказаўся іншы беларус.
«Кіраўніка прывязаць там на пару сутак — і ўсё будзе добра!»
Многія патрабуюць праверкі і пакарання:
«Гэта жудасна! Праверку канкрэтную і пакараць кіраўніцтва!»;
«Пакуль сельская гаспадарка не пяройдзе ў прыватныя рукі-нічога не зменіцца».
Іншыя бачаць корань бяды ў сістэме:
«Ды навошта здзекавацца над жывёламі? Прадайце іх у добрыя рукі! Куды глядзіць прэзідэнт? Заробкі ў іх шыкоўныя, хай самі ў калгасе папрацуюць!»
«У сельскай гаспадарцы трэба перагледзець аплату цяжкай працы. Не драіць перад прыездам чыноўнікаў, а працаваць кожны дзень. Загадчыкаў караць рублём — тады будзе толк».
«Помста працадаўцу ці голас з гразі?»
Аўтар відэа, жывёлавод Яўген Новік, пасля публікацыі ролікаў хутка набраў больш за 10 тысяч падпісчыкаў. Яго відэаролікі — дзясяткі і сотні тысяч праглядаў.
На сітуацыю адрэагавалі раённае выданне «Шахцёр» і сама «Дабрыца».
Кіраўніцтва прадпрыемства заявіла, што відэа «зневажаюць дзелавую рэпутацыю» і «не адпавядаюць рэчаіснасці». Па іх версіі, Новік «нядобрасумленна ставіцца да абавязкаў» і менавіта з-за яго халатнасці загінула цяля.
«Жывёлавод за ўсю змену не рабіў абыход хлявоў і не паведаміў ветэрынару — у выніку загінула цяля. Нанесеная шкода ўтрыманая законна», — гаворыцца ў каментары прадпрыемства.
Раённая газета пайшла яшчэ далей: заявіла, што ролік Новіка — «не акт грамадзянскай свядомасці, а помста працадаўцу». І дадала, што цяпер прадпрыемствам «даводзіцца вучыцца жыць у новай рэальнасці, дзе кароткія відэа канкуруюць з афіцыйнай інфармацыяй».
«Гэта так усюды, ва ўсіх калгасах, — піша карыстальнік. — Толькі калі ўсе гаспадаркі стануць прыватнымі, нешта зменіцца».
У Верхнядзвінскім раёне ферма запаскудзіла гноем мясцовую рэчку
«Такое — паўсюдна». Відэа з каровамі ў гразі ў Добрушскім раёне стала вірусным у сацсетках
У Круглянскім раёне вецер разбурыў будынак цялятніка, дзе знаходзіліся жывёлы
«За ноч мы страцілі ўсё». Трагедыя знішчыла 17 гадоў працы фермераў — згарэлі каровы з цялятамі
Стала вядома, колькі людзей у Беларусі пакаралі за падзеж жывёлы
Лукашэнка заявіў, што падзеж жывёлы ў Беларусі дасягнуў «гістарычнага максімуму»
Каментары
гаспадарка не хоча скотніку плаціць, бо не стараецца.
Аднак павінна быць нейкае страхаванне прафесійнай рызыкі.
Калі ў доктара пацыент памрэ - ніхто з яго не ўтрымлівае.