Стала вядома імя юбілейнага, 150‑тысячнага расіяніна, які загінуў на вайне з Украінай. Гэта цэлы камандзір дывізіі
Праект «Горюшко», які шукае ў адкрытых крыніцах інфармацыю пра забітых расійскіх вайскоўцаў, паведаміў, што колькасць пацверджаных загінулых дасягнула чарговай сімвалічнай рысы — 150 тысяч чалавек.
Работнікі ініцыятывы манітораць сацыяльныя сеткі і знаходзяць інфармацыю пра цырымоніі развітання ці проста допісы ад сваякоў. То-бок кожны са 150 тысяч загінулых мае канкрэтнае імя і апошняе месца пражывання.
100‑тысячны загінулы быў зафіксаваны 24 лютага 2025 года, на трэцюю гадавіну пачатку вайны. З таго часу тэмпы ўзраслі ў разы.
150‑тысячным у базе «Горюшка» названы камандзір 70‑й дывізіі Аляксей Плісаў. Стваральнікі праекта часцяком спецыяльна берагуць нейкае гучнае імя для юбілейнага допісу.
Плісаў у 2022‑м быў цяжка паранены, у яго часткова ампутаваныя ступні. У ноч на 12 кастрычніка 2025 года ён памёр на фронце. Афіцыйная прычына — спыненне сэрца.
Каментары