Гаротны наваградзец набыў са значнай зніжкай слухаўкі вядомага брэнда, а яны аказаліся таннай падробкай
У інтэрнэце жыхара Навагрудка зацікавіла аб’ява пра продаж бяздротавых слухавак вядомага брэнда. Кошт іх у новым стане складае больш за 600 рублёў. Мужчына дамовіўся з прадаўцом за 200 рублёў і перасылку накладзеным плацяжом.
Аплаціўшы пры атрыманні пасылку, мужчына выявіў, што слухаўкі зусім не адпавядаюць апісанню ў аб’яве. Пасля няўдалых спроб звязацца з прадаўцом мужчына звярнуўся з заявай у Навагрудскі РАУС.
Эксперт-таваразнаўца з прыцягненнем эксперта ў галіне радыёэлектронных прылад устанавілі шэраг прыкмет, што сведчаць аб тым, што слухаўкі не адносяцца да арыгінальных вырабаў вядомага брэнда, паведамляе Дзяржкамітэт судовых экспертыз.
А каштуюць 25,72 рубля.
Каментары