Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»
Аляксандр Лукашэнка выказаўся на тэму прыцягнення ў Беларусь працоўных мігрантаў, у тым ліку з Пакістана, піша БелТА.
Ён канстатаваў, што праблемы з працоўнымі рэсурсамі існуюць у многіх краінах і рэгіёнах, у тым ліку ў Еўрапейскім саюзе, Расіі.
«Натуральна, як Еўрапейскі саюз, Расія, так і, напэўна, нам давядзецца ў найбліжэйшай будучыні пагадзіцца з тым, што ў нас будуць працаваць людзі з іншых краін. І перш за ўсё краін азіяцкіх. На перамовах з пакістанцамі мы дамовіліся пра тое, што мы выпрацуем адпаведную праграму, якая будзе зацверджана міжурадавым пагадненнем. То-бок трэба выпрацаваць механізм, каб не атрымалася так, як нас сёння і наш народ спрабуюць палохаць», — сказаў Лукашэнка.
Ён заявіў, што на гэтай тэме «хочуць узварушыць беларускае грамадства». Пры гэтым адзначыў, што прадукцыйнасць працы ў Беларусі пакуль у два-тры разы ніжэйшая, чым у Еўрасаюзе.
«Я магу па-народнаму сказаць, непапулярна: ну калі ў нас нехта баіцца замежнікаў, трэба працаваць тады за траіх, хаця б за дваіх. І мы ў найбліжэйшыя 10—15 гадоў увогуле не будзем казаць пра дэфіцыт працоўных рэсурсаў, — адзначыў ён. — Хочам мы гэтага? Не вельмі. Я кажу непапулярна, але адкрыта».
Лукашэнка дадаў таксама, што калі беларусы не хочуць прыезду мігрантаў, то трэба болей нараджаць — «па трое-чацвёра, а лепей пяцёра», публікуе яго выступ СТБ.
«Калі мы хочам захаваць сваю краіну, захаваць наш народ, быць суверэннымі, незалежнымі, будаваць Музей гісторыі беларускай дзяржаўнасці і нашага народа і любавацца, якімі мы былі і колькі стагоддзяў мы жывем, у аснове павінна ляжаць эканоміка. А гэта — людзі.
Калі мы хочам працаваць, кіраваць працэсамі, ніякага страху няма, што да нас прыедуць (мігранты з іншых краін). З тысячы чалавек будуць у нас, дапусцім, 60 або 100 чалавек замежнікаў. Гэта нармальная практыка. А ўвогуле ў нас працоўных рэсурсаў у прынцыпе дастаткова. А дзе не хапае, мы прасвятлім кожнага чалавека і возьмем яго жыць на самай прыгожай зямлі — беларускай зямлі. З любой краіны. Тых, хто захоча працаваць».
Ён пры гэтым адзначыў, што мігранты з розных краін павінны быць расселеныя па тэрыторыі Беларусі. Акцэнт таксама будзе зроблены на запрашэнні прыязджаць адразу сем’ямі.
«Яны чамусьці думаюць, што іх зараз згвалцяць». Прапаганда кінулася тушыць абурэнне беларусаў 150 тысячамі пакістанцаў
Навошта Лукашэнку спатрэбіліся 150 тысяч пакістанцаў?
Што значыць прыезд 150 тысяч мігрантаў з Пакістана ў Беларусь: погляд Ігара Тура
Лукашэнка: Мы хочам з Пакістана спецыялістаў, а не проста моладзь. І найперш у Баранавічы
Цяпер чытаюць
Лукашэнка апраўдваецца за ідэю з прыездам 150 тысяч пакістанцаў — гэта, каб «захаваць наш народ»28
Каментары