Падазраваны нібыта прыпаркаваў аўтамабіль з выбухоўкай 16 красавіка і хутка пасля гэтага пакінуў Расію.
Меркаваны падрыўнік на працягу месяца здымаў кватэру ў доме №2 па бульвары Несцерава ў Маскве. Больш за тое — забойца і забіты генерал-лейтэнант жылі ў адным пад’ездзе, піша Baza.
Журналісты «Базы» апыталі жыхароў дома — адразу некалькі чалавек згадалі, што «Фальксваген Гольф», начынены СВУ на аснове ВПГаў (выстралаў да падствольнага гранатамёта), быў прыпаркаваны дакладна насупраць выхаду з пад’езда 16 красавіка. Тады ж каля машыны апошні раз бачылі мужчыну, які яе пакінуў.
Сёння каля 10:40, калі генерал Міністэрства абароны РФ Яраслаў Маскалік выходзіў з дому, у машыне спрацавала бомба — вайсковец загінуў на месцы.
Паводле крыніц «Базы», кіроўца «Гольфа» вылецеў з Расіі ў Турцыю 19 красавіка — праз некалькі дзён пасля таго, як пакінуў аўтамабіль з выбухоўкай ля дома генерала.
На фота, піша Baza, — Ігнат Кузін, апошні ўладальнік «Фальксвагена Гольфа». Ён родам з украінскага горада Сумы. З 2015 года Кузін зарэгістраваны ў Карачаева-Чаркескай рэспубліцы. Кузін набыў «Гольф» на пачатку лютага 2025 года ў папярэдняга ўладальніка — Андрэя П.
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства13
Каментары